ئێران: متمانەمان بە ئاگربەست نییە

ئاڤا نیوز

وەزیری بەرگری ئێران دووپاتی کردەوە کە وڵاتەکەی متمانەی بە ئاگربەستی ئیسرائیل نییە، ئەمەش دوای هەڕەشەکانی ئیسرائیل بۆ سەر ئەو وڵاتە.

وێنە گەورەکە: وەزیری بەرگری ئێران، لە میانەی پەیوەندییەکی تەلەفۆنیدا لەگەڵ وەزیری بەرگری تورکیا، ئاماژەی بەوە کردووە کە هێرش بۆ سەر ئێران لە کاتی دانوستانەکاندا ڕوویداوە و دەشڵێت، "ئێمە بۆ جیهان سەلماندوومانە کە ئێمە دژایەتی وتووێژ و دانوستان ناکەین".

لێدوانی فەرمی: عەزیز ناسرزادە، وەزیری بەرگری ئێران ڕایگەیاند،'' تاران متمانەی بە ئاگربەست لەگەڵ ئیسرائیل نییە و پێشبینی سیناریۆی جۆراوجۆر دەکات بۆ هەر هێرشێکی نوێ.

هاوکات گوتیشی، ئێران لەم شەڕەدا تەنیا وەڵامی داوەتەوە و هەرگیز هەوڵی نەداوە شەڕەکە بەرفراوانتر بکات.

قووڵتر: ڕۆژی 13-6-2025، ئیسرائیل  بۆردومانی ناوچە جیاوازەکانی ئێران کرد و بەمەبەستی لە ناوبردنی بەرنامە ئەتۆمییەکانی هاوکات ئەمریکاش دەستێوەردانی کرد و هێرشی کردە سەر بنکە سەرەکییە ئەتۆمییەکانی تاران و دواتر لە 24-6-2025 واشنتن ئاگربەستی نێوان ئیسرائیل و ئێرانی ڕاگەیاند.