لە دەروازەی ئیبراهیم خەلیل ڕۆژانە 37 تۆن کەلوپەل لەنێودەبرێ و دەگەڕێنرێتەوە تورکیا

ئاڤا نیوز

دەروازەی نێودەوڵەتیی ئیبراهیم ڕایگەیاندووە، لە شەش مانگی یەکەمی ئەمساڵ زیاتر لە شەش هەزار تۆن کەلوپەلی خواردن و خواردنەوە و کەرەستەی جۆراوجۆر یان لەنێوبراوە یانیش سوتێنراوە. بە تێکڕا ڕۆژانە 37 تۆن لەنێودەبرێ و دەگەڕێنرێتەوە تورکیا.

وێنە گەورەکە: هەرێمی کوردستان شەش دەروازەی نێودەوڵەتیی فەرمی هەیە، گەورەترین دەروازەی وشکانی ئیبراهیم خەلیلە و لەسەر ئاستی عێراق تاکە دەروازەی فەرمی گرێدراوە لەگەڵ تورکیا.

 

ڕاگەیێنراوی فەرمی: دەروازەی نێودەوڵەتیی ئیبراهیم خەلیل ڕایگەیاند، لە 1-1-2025 تاوەکو 30-6-2025 بڕی شەش هەزار و 761 تۆن کەرەستەی جۆراوجۆر لە تاقیگە و لیژنەکانی دەروازەکە ڕەتکراونەتەوە. ئەم بڕەی لەنێو براوە بۆ هەر ڕۆژێک دەکاتە 37 تۆن. زۆرینەیان گەڕێنراونەتەوە تورکیا و بەشێکیشیان لەنێوبراون.

بەگوێرەی ڕاگەیێنراوەکەی دەروازەی نێودەوڵەتی ئیبراهیم ئەو کەلوپەلانە لەگەڵ ڕێنماییەکانی حکومەتی هەرێمی کوردستان نەگونجاون. بریتی بوون لەمانە، کەلوپەلی تەندروستی، خواردن و خواردنەوە، کۆزمەتیک، ڤێرتێرنەری، کشتوکاڵی و بیناسازی.