پۆلیتیکۆ: ترەمپ پێیوایە ڕووسیا لە شەڕی ئۆکرانیا سەردەکەوێت

ئاڤا نیوز

پۆلیتیکۆ لە زاری بەرپرسێکی باڵای کۆشکی سپییەوە بڵاویکردەوە، سەرۆکی ئەمریکا پێی وایە ڕووسیا سەردەکەوێت لە ململانێی ئۆکرانیا.

زانیاریی بەدەستهاتوو: ماڵپەری پۆلیتیکۆ لە زاری بەرپرسێکی کۆشکی سپی بڵاویکردەوە، بۆچوونی  دۆناڵد ترەمپ، سەرۆکی ئەمریکا ئەوە کە ڕووسیا سەرکەوتوو دەبێت لە شەڕی ئۆکراینا، بەڵام تا چەند دەخایەنێت چونکە ڕووسیا لە ڕووی ئابووری و سەربازییەوە لە ئۆکراینا گەورەترە.

 
پێدراوە ڕاستەکان: ئەمە لە کاتێکدایە کە ترەمپ بڕیاری دابینکردنی سیستمی بەرگریی ئاسمانی و چەندین چەکی پێشکەوتووی بۆ ئۆکراینا داوە و نیگەرانی بەرپرسانی ڕووسیای بەدوای خۆیدا هێنا و دەڵێن پڕچەککردنی ئۆکراینا هەوڵەکان بۆ ئاگربەست لە ناو دەبات.

ئەمەش بزانە: ڕۆژی دووشەممە دۆناڵد ترەمپ، سەرۆکی ئەمریکا گوتی، ئەمریکا دەیەوێت  سزای زیاتر بەسەر ڕووسیا دا بسەپێنێت ئەگەر لە ماوەی 50 ڕۆژی داهاتوودا نەگاتە ڕێککەوتنێکی ئاشتی لەگەڵ ئۆکراینا.