نەتەوەیەکگرتووەکان: 800 ملیۆن کەس لە ژێر هێڵی هەژاری دەژین

ئاڤا نیوز

سکرتێری گشتیی نەتەوە یەکگرتووەکان  ڕایگەیاند، زیاتر لە 800 ملیۆن کەس لە ژێر هێڵی هەژاری دەژین و هۆشداری بە وڵاتان دەدەن.

 

وێنە گەورەکە: نەتەوەیەکگرتووەکان بڵاویکردەوە بەهۆی گۆڕانی کەشو هەوا و ئەو دۆخە ئاڵۆزەی جیهانی گرتووەتەوە بەهۆی شەڕ و ململانێکان تاوەکو دێت دۆخی مرۆیی خراپتر دەبێت و ژمارەی ئەو کەسانەی لە ژێر هێڵی هەژاریدا دەژین دەگاتە نزیکەی ملیارێک کەس ئەمە جیهان دەخاتە دۆخێکی نائاسایی گەشەپێدان جیهانییەوە.

 

لێدوانی فەرمی: ئەنتۆنیۆ گۆتێرێس، سکرتێری گشتی نەتەوە یەکگرتووەکان  ڕایگەیاند: دەبێت وڵاتان کاربکەن بۆ وەستاندنی ئەو شەڕ و ململانێیانەی لە ناوچەکە هەن و دەبێت کار بکەن بۆ بەدیهێنانی ئاشتی لە ڕۆژهەڵاتی ناوەڕاست.

 

لەلایەکی دیکەوە: سەبارەت بە دۆخی مرۆیی غەززەش جارێکی دیکە گۆتێرێس هۆشداری دا و ڕایگەیاند، پێویستە دەستبەجێ ئاگربەستی غەززە ڕابگەیێنرێت و هاوکاری مرۆیی بگەیێنرێتە ناو کەرتە.