هاریس دەبێتە گەنجترین سەرۆکوەزیرانی ئێرلەندا

ئاڤا نیوز

 

پارتی فەین گەیلی دەسەڵاتداری ئێرلەندا، سایمن هاریسیان دەستنیشان کرد بۆ ئەوەی پۆستی سەرۆکوەزیرانی داهاتووی ئێرلەندا وەربگرێت، بەمەش دەبێتە گەنجترین سەرۆکوەزیران لە مێژووی وڵاتەکەدا.

 

چیرۆکی سەرەکی: دوای ئەوەی چوارشەممە لیۆ ڤارادکار، سەرۆکوەزیرانی پێشووی ئێرلەندا دەستی لە کار کێشایەوە، هەر ئەمڕۆ پارتی حوکمڕانی ئێرلەندا، سایمن هاریسیان وەک بەربژێری بێ ڕکابەری خۆیان بۆ وەرگرتنی پۆستی سەرۆکوەزیرانی ئێرلەندا پێشکەش کرد.

 

لێدوانە فەرمییەکان: ڤارادکاری تەمەن 45 ساڵ ڕایگەیاند: "دوای حەوت ساڵ لەم پۆستە، چیتر پێموانییە باشترین کەس بم، هۆکاری وازهێنانم خودی و سیاسین".

 

هاریس لە کاتی دەستنیشانکردنەکەیدا بە ئەندامانی پارتەکەی ڕاگەیاند: "لە بەرامبەر ئەم متمانەیەدا، دەبێت بەوپەڕی بەرپرسیارێتی، خاکەڕایی و ڕێزەوە شەو و ڕۆژ ئارەق و فرمێسک بڕێژم و لە کاری سەخت نەوەستم".

 

زانیاریی زیاتر: بڕیارە پەرلەمانی ئێرلەندا لە سەرەتای مانگی داهاتوودا کە لە پشوو گەڕایەوە، ڕەزامەندیی لەسەر ئەو پرسە بدات.