نەتەوەیەکگرتووەکان: 875 فەلەستینی لە نۆرەی وەرگرتنی هاوکارییەکان لە غەززە کوژراون

ئاڤا نیوز

 

ڕێکخراوی نەتەوەیەکگرتووەکان بڵاویکردەوە، سەدان کەس لە کاتی وەرگرتنی هاوکارییە مرۆییەکان لە کەرتی غەززە کوژراون.

 

وێنە گەورەکە: لەگەڵ ئەوەی هەوڵە نێودەوڵەتییەکان بەردەوامن بۆ گەیشتن بە ڕێککەوتنی ئاگربەست و گەیاندنی هاوکارییە مرۆییەکان لە کەرتی غەززە، بەڵام تا دێت دۆخی مرۆیی لەو کەرتە خراپتر دەبێت و سەدان کەس لە کاتی وەرگرتنی یارمەتییەکان کوژراون.

 

بڵاوکراوەی فەرمی: کۆمیسیاری باڵای مافەکانی مرۆڤی نەتەوەیەکگرتووەکان ڕایگەیاند: لە ماوەی شەش هەفتەی ڕابردوودا 875 کەس لەکاتی ڕاوەستان بۆ وەرگرتنی  یارمەتییە مرۆییەکان کوژران و دەیانی دیکەش برینداربوون.

 

ئەوەی پێویستە بیزانیت:  زیاتر لە سێ مانگە ئیسرائیل گەمارۆی کەرتی غەززەی داوە و بەشێوەیەکی سنووردار نەبێت ڕێگە بە چوونە ناوەوەی هاوکارییە مرۆییەکانی نادات، بۆیە تا دێت دۆخی مرۆیی لەو کەرتە خراپتر دەبێت، ئیسرائیل و ئەمریکا لەڕێگەی "ڕێکخراوی مرۆیی غەززە" هاوکاری بەسەر خەڵکی کەرتەکە دابەش دەکەن، بەڵام نەتەوەیەکگرتووەکان ئەو ڕێکخراوە تۆمەتبار دەکات بەوەی ڕەچاوی پێوەرە نێودەوڵەتییەکان ناکات.