نزیکەی 30 تۆن خواردەمەنی و کاڵا و شمەکی جۆراوجۆر لە سلێمانی دەستی بەسەردا دەگیرێت

ئاڤا نیوز

لیژنە هاوبەشەکانی قایمقامیەتی سلێمانی بەردەوامن لە گەڕان و پشکنینی شوێنە بازرگانییەکان و دەستبەسەرداگرتنی کاڵا و خواردنی ماوە بەسەرچوو.

چیرۆکی سەرەکی: لە مانگی ڕابردوو لیژنە هاوبەشەکانی پارێزگای سلێمانی نزیکەی 30 تۆن خۆراک و ماددەی بەسەرچوویان دەستبەردا گرتووە، لەیەک هەفتەش زیاتر لە 16 تۆن خۆراک  و کاڵای جۆراوجۆر لەناو براون.

لێدوانی فەرمی: گۆران قادر، سەرۆکی لیژنەی قایمقامیەتی سلێمانی، بە ئاڤا میدیای ڕاگەیاند، لە مانگی شەشی ئەمساڵدا 26 تۆن و 29 کیلۆگرام خواردەمەنی و کاڵا و ماددەی جۆراوجۆر دەستی بەسەرداگیراوە، هاوکات لەلایەن 47 لیژنەی قایمقامیەتی سلێمانی تەنیا لە مانگی شەشدا، نزیکەی شەش هەزار و 770 سەردان بۆ کۆگا، مارکێت، کۆمپانیا و شوێنە جۆراوجۆرەکان ئەنجامدراون، لەو ژمارەیەش 450 سەرپێچی تۆمارکراون و 127 پسوولەی ئاگادارکردنەوە بۆ شوێنە جیاوازەکان کراون، سێ لەو شوێنانە ڕێکاری یاساییان بەرامبەر گراوەتەبەر.

لەلایەکی دیکەوە: قایمقامیه‌تی سلێمانی، ڕایگەیاندووە، له‌ماوه‌ هه‌فته‌یه‌كدا و به‌هۆی خراپی و نه‌شیاوی بۆ خواردن و به‌كارهێنان، له‌كاتی سه‌ردان و پشكنییه‌كانیان بۆ ئه‌و كاڵا و شمه‌ك و خوارده‌مه‌نییانه‌ی له‌لایه‌ن دوكاندار و بازرگانه‌كانه‌وه‌ به‌ هاووڵاتیان ده‌فرۆشرێت، لیژنه‌كان ده‌ستیان به‌سه‌ر زیاتر له‌ 16 تۆن خوارده‌مه‌نی و كاڵا و شمه‌كی جۆراوجۆردا گرتووه‌.

زانیاریی زیاتر: ئه‌و خوارده‌مه‌نییه‌ جۆراوجۆرانه‌ی له‌لایه‌ن لیژنه‌كانه‌وه‌ ده‌ستی به‌سه‌ردا گیراوه‌ له‌ شه‌ش تۆن پیاز، نزیكه‌ی چوار تۆن و نیو شیره‌مه‌نی و زیاتر له‌ تۆنێك و 700 كیلۆگرام مه‌وادی دیكه‌ی جۆراوجۆر.

ئەمەش بزانە: سه‌رباری ده‌ستبه‌سه‌ر گرتنی 87 كارتۆن خواردنه‌وه‌ی كحولی ماوه‌به‌سه‌رچوو، له‌لایه‌ن لیژنه‌ی عه‌لوه‌ی قایمقامیه‌ته‌وه‌ ده‌ست به‌سه‌ر بڕی 380 كیلۆگرام میوه‌ی قۆخی كه‌ڕواوی گیراوه‌ و به‌فه‌رمانی قایمقامی سلێمانی ته‌واوی ئه‌و خوارده‌مه‌نی و كاڵا و شمه‌کە جۆراوجۆرانه‌ له‌ناوبراون.