ئاگرەکەی کێڵگەی نەوتی هانت ئۆیل لە دهۆک کۆنتڕۆڵ کرا

ئاڤا نیوز

دوای هێرشە درۆنییەکەی ئێوارەی ئەمڕۆ بۆ سەر کێڵگەی نەوتی هانت ئۆیل لە قەزای شێخانی دهۆک و دروستبوونی ئاگرێکی گەورە، لەلایەن  بەرگریی شارستانی دهۆک ئاگرەکە کۆنتڕۆڵ کرا.

چیرۆکی سەرەکی: ئێوارەی ئەمڕۆ چوارشەممە، لە ڕێگەی درۆنێکی بۆمبڕێژکراو هێرش کرایە سەر کێڵگەی نەوتی هانت ئۆیل لە باعەدرێی قەزای شێخان لە دهۆک، بەپێی ڕاگەیێنراوی دژەتیرۆری کوردستان هێرشەکە جگە لە زیانی ماددی هیچ زیانێکی گیانی نەبوو.

لێدوانی فەرمی: عەمید حەسەن خورشید، بەڕێوەبەری بەرگریی شارستانی دهۆک بە ئاڤای وت، "لەلایەن تیمی بەرگریی شارستانی باعەدرێ، ئاگرەکەی کێلگەی نەوتی هانت ئۆیل لە قەزای شێخان بە تەواوی کۆنتڕۆڵ کرا، بێ ئەوەی هیچ زیانێکی گیانی لێ بکەوێتەوە."