شەڕە خوێناوییەکەی سوەیدا؛ لە چوار ڕۆژدا 360 کەس کوژراون

ئاڤا نیوز 

 

بەگوێرەی ڕوانگەی سووری بۆ مافەکانی مرۆڤ، بەهۆی گرژی و ئاڵۆزییەکانی سوەیدا لە سەرلەبەیانیی ڕۆژی یەکشەممەوە تا ئێستا 360 کەس کوژراون و بە سەدانیش برینداربوون.

 

وێنە گەورەکە: لە  ڕۆژی یەکشەممەوە 13-7-2025، شەڕ و  پێکدادان لە نێوان هێزەکانى سەر بە حکومەتى سووریا و چەکدارانى درووز لە پارێزگاى سوەیداى باشوورى ئەو وڵاتە دەستیپێکردووە. جیا لەو پێکدادانە، ئیسرائیلیش دەستێوەردانی لەو شەڕەدا کرد بە بۆردوومانکردنی باڵەخانەی وەزارەتی بەرگریی سووریا.

 

ژمارەکان وادەڵێن: ڕوانگەی سووری بۆ مافەکانی مرۆڤ بڵاویکردەوە، لە ماوەی پێنج ڕۆژدا ژمارەی کوژراوان بەم شێوەیەیە:

 -79 چەکداری درووز.
-55 هاووڵاتی مەدەنی.
 -189 سەربازی هێزەکانی سووریا. 
- 18 کەسی پێکهاتەی بەدەوی.
-15 سەربازی هێزەکانی سووریا لە هێرشە ئاسمانییەکانی ئیسرائیل کوژراون.

 

لەلایەکی دیکەوە: مارکۆ ڕوبیۆ، وەزیری دەرەوەی ئەمەریکا ڕایگەیاند، ''پەیوەندیمان لەگەڵ هەموو لایەنەکانی بەشدار لە شەڕی سوەیدا کردووە و پێشکەوتن هەیە بۆ چارەسەرکردنی شەڕ و پێکدادانەکان لە باشووری سووریا و، هەنگاوی جددی نراوە بۆ ئەوەی کۆتایی بەم دۆخە نائارام و ترسناکە بێت".