هەڵوێستی ئێران لەسەر هێرشەکانی ئیسرائیل بۆ سەر سووریا؛ داوایەک لە کۆمەڵگەی نێودەوڵەتی دەکات

ئاڤا نیوز

 

وتەبێژی وەزارەتی دەرەوەی ئێران هێرشەکانی ئیسرائیل بۆ سەر دیمەشق و ناوچەکانی دیکەی سووریا ئیدانە دەکات و دەڵێت، "بێدەنگی کۆمەڵگەی نێودەوڵەتی هانی ئیسرائیل دەدات هێرش بکاتە سەر وڵاتانی دیکەی ناوچەکە".

 

وێنە گەورەکە: ڕۆژی چوارشەممە، 16-7-2025، ئیسرائیل هێرشێکی بەرفراوانی ئاسمانی بۆ سەر سووریا دەستپێکرد، هێرشەکان کۆشکی سەرۆکایەتی و وەزارەتی بەرگرییان لە دیمەشق کردە ئامانج و کارداناوەی بەدوای خۆیدا هێنا.

 

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: ئەم هێرشانە دەستدرێژییەکی پێشبینیکراوە و بێدەنگی کۆمەڵگەی نێودەوڵەتی هانی ئیسرائیل دەدات هێرش بکاتە سەر وڵاتانی دیکەی ناوچەکە.

 

لەلایەکی دیکەوە:  ئیسماعیل بەقایی، وتەبێژی وەزارەتی دەرەوەی ئێران دوای ئیدانەکردنی هێرشەکان ڕایگەیاند: "ئیسرائیل لە هێرشە ئاسمانییەکانی بۆ سەر سووریا مەبەستی بەئامانجگرتنی دامەزراوە و شوێنە گشتیی و حکوومییەکانە و لە هەمان کاتدا بەردەوامە لە داگیرکردنی بەشێکی بەرفراوانی ئەو وڵاتە".

گوتیشی، بۆ هەموولایەک ڕوون بووەتەوە کە ئیسرائیل گەورەترین هەڕەشەیە بۆ سەر ئاشتی و سەقامگیریی ناوچەکە و بە سوودوەرگرتن لە چەک و پشتیووانی سیاسیی ئەمەریکا و هەندێک وڵاتی دیکەی ڕۆژئاوایی.