داوای قەرەبووکردنەوەی زیانلێکەوتووانی سەردەمی ڕژێمی بەعس دەکرێت

ئاڤا نیوز

لە ئەنجوومەنی نوێنەرانی عێراق داوا دەکرێت ئەو هاووڵاتیانەی هەرێمی كوردستان كە لە سەردەمی ڕژێمی بەعسدا زیانیان بەركەوتووە قەرەبوو بکرێنەوە.

وێنە گەورەکە: ئەمڕۆ دووشەممە ئەنجوومەنی نوێنەرانی عێراق لەبارەی پێنج پرس کۆدەبێتەوە، یەکێک لە پرسەکان قەرەبووکردنەوەی زیانلێکەوتووانی سەردەمی ڕژێمی بەعسە.

ئەوەی پێویستە بیزانیت: لە کۆبوونەوەی ئەمڕۆ خوێندنەوەی یەکەم دەکرێت بۆ ڕەشنووسی پرۆژەیاسای قەرەبووکردنەوەی موڵک و ماڵی ئەو کەسانەی  بەهۆی ڕژێمی پێشووەوە زیانیان بەرکەوتووە.

لێدوانی فەرمی: د. ڤیان سەبری، سەرۆکی فراکسیۆنی پارتی بە ئاڤا نیوزی گوت: "لە پڕۆژەیاساکەدا قەرەبووکردنەوەی خەڵکی پارێزگاکانی هەرێمی کوردستانی تێدا نییە، ئێمە بۆ خوێندنەوەی دووەم داوا دەکەین قەرەبووەکە زیانلێکەوتووانی  هەرێمی کوردستانیش بگرێتەوە لە هەردوو لیژنەی پارێزگاکان و ناوەند".