شارەوانی بەردەڕەش سەبارەت بە دابەشکردنی زەوی ڕوونکردنەوە دەدات

ئاڤا نیوز

شارەوانیی بەردەڕەش سەبارەت بە دابەشکردنی زەوی بەسەر فەرمانبەراندا ڕوونکردنەوە دەدات و ڕایدەگەیێنێت، زەوییەکان بەگوێرەی ئاواتی فەرمانبەران دەبێت.

وێنە گەورەکە: بەپێی بڕیاری ئەنجوومەنی وەزیرانی هەرێمی کوردستان، پرۆسەی دابەشکردنی زەوی بەسەر فەرمانبەراندا بەردەوامە و زیاتر لە 480 هەزار فەرمانبەر لە سنووری پارێزگا و ئیدارە سەربەخۆکان، بەپێی شارەوانییەکانیان لە وەرگرتنی زەوی سوودمەند دەبن.

ڕاگەیێنراوی فەرمی: سەرۆکایەتیی شارەوانی بەردەڕەش ڕایگەیاند، بە فەرمانبەرانی سنوورەکە ڕادەگەیێنین کە ئامادەکاری دەکرێت بۆ دابینکردنی باشترین زەوی بەسەر فەرمانبەراندا، سەبارەت بەو دەنگۆیەشی کە بڕیار درا بێت لە "کەندی بەردەڕەش" زەوی دابەش بکرێت، دوورە لە ڕاستییەوە و "دڵنیاتان دەکەینەوە ئەو زەوییانەی ئامادەکارییان بۆ دەکرێت، بە گوێرەی ئاواتی گشت فەرمانبەران دەبێت".

باکگراوند: بە بڕیاری سەرۆکوەزیران مەسرور بارزانی، دابەشکردنی زەوی بەسەر فەرمانبەراندا دەستیپێکرد و نزیکەی 485 هەزار کەس لە سنووری شارەوانییەکاندا لێی سوودمەند دەبن.