پزیشکیان: ئێران بە ڕێزەوە وەڵامی ڕێز دەداتەوە و زمانی هێز قبوڵ ناکات

ئاڤا نیوز

سەرۆککۆماری ئێران دەڵێت، "نەتەوەی ئێران هەمیشە بە ڕێزەوە وەڵامی ڕێزگرتنی داوەتەوە، بەڵام بە هیچ شێوەیەک بەرامبەر زمانی هێز و فشار ئارام نییە".

پەیامی فەرمی: مەسعوود پزیشکیان، سەرۆککۆماری ئێران لە تۆڕی ئێکس پەیامێکی بڵاوکردەوە و ڕایگەیاند، "دانوستانەکانی نێوان تاران و واشنتن کە بە پشتیوانی وڵاتە دۆستەکانی ناوچەکە ئەنجام دراون، هەنگاوێک بوون بۆ پێشەوە، چونکە دیالۆگ هەمیشە ستراتیژی ئێمە بووە بۆ چارەسەری ئاشتیانە".

-لۆژیکی ئێران لە بابەتە ئەتۆمییەکاندا تەنیا داواکردنی ئەو مافانەیە کە لە چوارچێوەی پەیماننامەی قەدەغەکردنی چەکی ناوەکیدا دیاریکراون.

- نەتەوەی ئێران هەمیشە بە ڕێزەوە وەڵامی ڕێزگرتنی داوەتەوە، بەڵام بە هیچ شێوەیەک بەرامبەر زمانی هێز و فشار ئارام نییە.

باکگراوند: ڕۆژی هەینی گەڕێکی دیکەی دانوستانەکانی نێوان ئەمریکا و ئێران بەشێوەی ناڕاستەوخۆ لە مەسقەتی پایتەختی عومان بەڕێوەچوون و بڕیارە کۆبوونەوەکان درێژەیان هەبێت بەڵام تا ئێستا کات و شوێنی کۆبوونەوەکان دیاری نەکراوە.