ڕوونکردنەوە لەبارەی تەقینەوەکانی نزیک کۆرمۆر دەدرێت

ئاڤا نیوز

 

لیژنەی ئەمنیی قەزای چەمچەماڵ دەڵێت، ئاگاداری هەموو لایەک دەکەینەوە، ئەمڕۆ لە سنووری ناحیەی قادرکەرەم و کێڵگەی کۆرمۆر هیچ تەقینەوەیەک ڕووینەداوە.

 

ئەوەی پێویستە بیزانیت: پێشتر لە ژمارەیەک میدیا و چەند پەیجێک لە تۆڕە کۆمەڵایەتییەکان وێنە و ڤیدیۆی نزیک کێڵگەی گازی کۆرمۆر بڵاوکرایەوە کە گوایە بە درۆن هێرشکراوەتەوە سەر کێڵگەکە.

 

لێدوانی فەرمی: حاکم سدیق، بەڕێوەبەری  ناحیەی قادر کەرەم بە ئاڤای گوت، ئەمڕۆ یەکشەممە کاتژمێر 10 بەئاگاداریی ئێمە و ئاسایش، دوای هەڵگرتنەوەی دەیان مین و تەقەمەنی، بە شێوەیەکی ڕێکخراو لە گوندی عەلیاوا و ناوچەیەکی دوورەدەست ئەو مینانە تەقێنرانەوە.

 

بڵاوکراوەی فەرمی: لیژنەی ئەمنیی قەزای چەمچەماڵ دەنگۆی هێرشکردنە سەر کێڵگەی گازی کۆرمۆر ڕەت دەکاتەوە و دەڵێت، ئاگاداری هەموو لایەک دەکەینەوە، ئەمڕۆ یەکشەممە 20/ 7/ 2025، لە سنووری ناحیەی قادرکەرەم و کێڵگەی کۆرمۆر هیچ تەقینەوەیەک ڕووینەداوە.

 

لە ڕوونکردنەوەکەی لیژنەی ئەمنیی قەزای چەمچەماڵدا هاتووە، ئەوەی هەیە تیمێکی پسپۆری هەڵگرتنەوەی مینن لە دەرەوەی کێڵگەکە، کە سەرقاڵی هەڵگرتنەوە و لەناوبردنی مینی کۆنی سەردەمی ڕژێمی پێشوون.