وەرگرتنی قوتابیان لە ناوەندەکانی خوێندن دەستپێدەکات

ئاڤا نیوز

بۆ ئەمساڵی نوێی خوێندن، وەرگرتنی قوتابیان لە ناوەندەکانی خوێندن لە 23ـی 7ـی 2025 دەستپێدەكات تاوەكو 20ـی 8ـی 2025 بەردەوام دەبێت.

وێنە گەورەکە: ساڵانە وەزارەتی پەروەردە پێش دەستپێکردنی ساڵی نوێی خوێندن، وادەی وەرگرتنی قوتابیان لە ناوەندەکانی خوێندن و ساڵنامەی خوێندن بڵاو دەکاتەوە، وەک نەخشە رێگایەک بۆ بەڕێوەچوونی پرۆسەی خوێندن.

ڕاگەیێنراوی فەرمی: وەزارەتی پەروەردەی هەرێمی کوردستان بڵاوی کردووەتەوە: وەرگرتنی قوتابیان لە ناوەندەکانی خوێندن لە 23ـی 7ـی 2025 دەستپێدەكات تاوەكو 20ـی 8ـی 2025 بەردەوام دەبێت.

زانیاریی زیاتر: تەمەنی وەرگرتنی قوتابیان لە باخچەی ساوایان و پۆلی یەکەمی بنەڕەتی بەمجۆرە دەبێت:

٠ قۆناغی یەکەمی باخچەی ساوایان لە تەمەنی چوار ساڵی وەردەگیرێن بەو مەرجەی ڕۆژی لە دایکبوونیان لە نێوان 2021-01-01 تا 2021-12-31 بێت.

٠ قۆناغی دووەمی دووەمی باخچەی ساوایان لە تەمەنی پێنج ساڵی وەردەگیرێن بەو مەرجەی ڕۆژی لە دایکبوونیان لە نێوان 2020-01-01 تا 2020-12-31 بێت.

٠ قۆناغی یەکەمی بنەڕەتی قوتابیانی لەدایکبووی 2019-01-01 تا 2019-12-31 وەردەگیرێن.

ئەوەی پێویستە بیزانیت: وەرگرتنی قوتابیان لەسەرجەم قۆناغەکانی خوێندن بە پلەی یەکەم لەسەر بنەمای شوێنی جوگرافی دەبێت، بەڵام لە قوتابخانە حکومییەکانی سیستمی ئینگلیزی پۆلی یەکەمی بنەڕەتی بە تیروپشک دەبێت و لە پۆلی دووی بنەڕەتی تا 12 ئامادەیی بە پێی توانای وەرگرتنی قوتابخانە قوتابیان بە هەڵسەنگاندن وەردەگیرێن.

ئەمەش بزانە: تۆمارکردنی قوتابیان لە قوتابخانەکان لە کاتی ئاسایی دەوامی کارگێڕی لە ڕۆژانی یەکشەممە و چوارشەممە دەبێت.