فایلی خەڵک؛ شەش گوندی بناری سورێنی هەڵەبجە گرفتی كاره‌بایان هه‌یه‌

ئاڤا نیوز

بەهۆی نزمی ڤۆڵتییەی کارەبای نیشتمانی و نەبوونی مۆلیدە، دانیشتووانی بەشێک لە گوندەکانی هەڵەبجە نیگەرانن، بەڕێوەبەری کارەبای شارەکەش دەڵێت، کێشەکەیان بۆ چارەسەر دەکەین.

چیرۆکی سەرەکی: دانیشتووانی شەش گوندی بناری سوورێن لە هەڵەبجە، کێشەی کەمی ڤۆڵتییەی کارەبایان هەیە و دەڵێن ئەو کارەبایەی هەمانە ئەوەندە خراپە ناتوانین هیچ ئامێرێکی پێ دابگیرسێنین.

لێدوانی فەرمی: نەبەرد بورهان، ئەنجوومەنی گوندی نەوێ بە ئاڤای وت، "بەهۆی خراپی ڤۆڵتیەی کارەبای نیشتمانی، بەم گەرمایە سەلاجە و موبەریدەکانمان بەباشی کار ناکەن، چەندین جار خواردنی ناو سەلاجەمان فڕێ داوە.

دەڵێت کارەبای مۆلیدەشمان نییە، مۆلیدەیەکیان بۆ دابینکردووین، بەڵام بەهۆی دابین نەکردنی کێبڵەوە نەتوانراوە بخرێتەکار.

بۆچوونی لایەنی بەرامبەر: کاوان کەریم، بەڕێوەبەری گشتیی کارەبای هەڵەبجە، بە ئاڤای وت، "نووسراوی فەرمیمان ئاراستەی بەڕێوەبەرایەتی کارەبای سلێمانی کردووە بۆ ئەوەی کارەبای گوندەکانی (نەوێ، بەردەبەل، قەڵبەزە، کانی ئاسکان و دەرەگولان) بخرێتە سەر کارەبای سەیدسادق، چارەسەری کێشەکەیان ئەوەیە و ئێستا لە هەوڵداین بۆیان چارەسەر بکەین".