فەرماندەی پێشووی پۆلیسی واست دوای دوورخرانەوەی کرایە جێگری فەرماندەی پۆلیسی فیدراڵی

ئاڤا نیوز

لە کۆبوونەوەی ئەمڕۆی ئەنجوومەنی پارێزگای واست لیوا محەمەد قاسم فەهد، لە پۆستی فەرماندەی پۆلیسی واست دوورخرایەوە، بەڵام چەند کاتژمێرێکی نەبرد، بە فەرمانێکی دیکە وەک جێگری فەرماندەی هێزەکانی پۆلیسی فیدراڵی دەستنیشان کرا.

چیرۆکی سەرەکی: ئەنجوومەنی پارێزگای واست، لە کۆبوونەوەیەکی نائاساییدا، زنجیرەیەک بڕیاری گرنگی سەبارەت بە کارەساتی ئاگرکەوتنەوەی مۆڵەکەی کوت دەرکرد. بڕیارەکان دوورخستنەوەی فەرماندەی پۆلیسی پارێزگاکەو بەڕێوەبەری بەرگریی شارستانی و چەند بەرپرسێکی دیکەی لەخۆگرت.

زانیاریی بەدەستهاتوو: سەرچاوەیەکی ئاگادار بە میدیای عێراقی ڕاگەیاند: "لیوا محەمەد قاسم فەهد، فەرماندەی پێشووی پۆلیسی واست، پۆستی جێگری فەرماندەی هێزەکانی پۆلیسی فیدراڵی پێسپێردرا."

لەلایەکی دیکەوە: هەر ئەمڕۆ دوای بڕیاری دوورخستنەوەی لیوا محەمەد قاسم فەهد، بە فەرمانی محەممەد شیاع سوودانی، سەرۆکوەزیران و فەرماندەی گشتیی هێزە چەکدارەکان عەمید ئەحمەد عەبدولسادە حەمزە، ئەرکی فەرماندەی پۆلیسی پارێزگای واستی پێ سپێردرا.