زیانلێكەوتووانی دارەسووتاوەكەی سلێمانی لە بودجەی فریاكەوتن قەرەبوو دەكرێنەوە

ئاڤا نیوز

ئەندامێكی لیژنەی دارایی لە ئەنجوومەنی نوێنەرانی عێراق ئاشكرای دەكات، دوكاندارانی بازاڕی دارەسووتاوەكەی سلێمانی لە بودجەی فریاكەوتن قەرەبوو دەكرێنەوە.

چیرۆکی سەرەکی: بەرەبەیانی ڕۆژی 5ـی نیسانی ئەمساڵ، ئاگرێكی گەورە لە بازاڕی دارەسووتاوەكەی سلێمانی كەوتەوە و بەهۆیەوە 116 دوكان و 4 خواردنگە سووتان.

لێدوانی فەرمی: د. نەرمین مەعروف، ئەندامی لیژنەی دارایی لە پەرلەمانی عێراق ڕایگەیاند، لەمیانی سەردانیكردنم بۆ لای محەممەد شیاع سوودانی، سەرۆكوەزیرانی عێراق، ڕەزامەندیم وەرگرت بۆ قەرەبووكردنەوەی دوكاندار و كاسبكارانی زیانلێكەوتوو لە بازاڕی دارەسووتاوەكەی سلێمانی.

زانیاریی زیاتر: ئەو پەرلەمانتارە ڕوونیشی كردووەتەوە، قەرەبووكردنەوەی زیانلێكەوتووان لەسەر بودجەی فریاكەوتن دەبێت كە لە بودجەی گشتیدا بڕەكەی دیاریكراوە.