نێردەی واشنتن بۆ سووریا: ئەوەی لە سووریا ڕوویدا ترسناکە

ئاڤا نیوز

نێردەی ئەمریکا بۆ کاروباری سووریا لەبارەی دۆخی سووریاوە ئاشكرای دەکات، پێویستە حکومەتی سووریا ئەم بەرپرسیارەتییە لەئەستۆ بگرێت.

چیرۆکی سەرەکی: تۆم باراک، سێیەم سەردانی خۆی بۆ لوبنان ئەنجامدا و لەبارەی پرسی چەکداماڵینی حیزبوڵڵای لوبنان لەگەڵ بەرپرسانی باڵای لوبنان تاووتوێی ئەم پرسەی کردووە، هۆکاری هاتنیشی بۆ لوبنان بۆ دۆناڵد ترەمپ، سەرۆکی ئەمریکا گەڕاندەوە و دەشڵێت، ئەو دەیەوێت ئاشتی لەناوچەکەدا هەبێت.

لێدوانی فەرمی: تۆم باراک، نێردەی ئەمریکا بۆ کاروباری سووریا لەبارەی دۆخی ناوخۆیی سووریاوە ڕایگەیاند، دەبێت حکومەتی سووریا دەبێت بەرپرسیارەتی لەئەستۆ بگرێت و لێپرسینەوەی لەگەڵدا بکرێت، ئەوەی ڕوویدا ترسناکە و گرنگە کەمینەکان بخرێنە ناو دەسەڵات لە سووریا، هاوکات هاوخەمی ئەمریکای بۆ دۆخی سوەیدا دووپاتکردەوە، جەختیشی لە هاوکارییکردنی لەگەڵ پەرەسەندنەکانی ئەم دواییەی کردەوە

باکگراوند: ماوەی هەفتەیەک بوو شەر و ئاڵۆزی لەنێوان چەکدارانی دروزی و هێزە ئەمنییەکانی سووریا بەردەوام بوو، دواجار ئاگربەست ڕاگەیێنرا و لایەنەکان گەیشتنە ڕێککەوتن.