%83ـی هاووڵاتیانی هەرێمی کوردستان سیستمی ئەلیکترۆنی فۆرمی خۆراکیان پڕکردووەتەوە

ئاڤا نیوز

دوای نزیکەی دوو مانگ لە کاراکردنی فۆڕمی ئەلیکترۆنی خۆراک، نزیکەی چوار ملیۆن کەس لە هەرێمی کوردستان ناوی خۆیان لە سیستمەکە تۆمارکردووە.

چیرۆکی سەرەکی: لە هەرێمی کوردستان پێنج ملیۆن و 350 هەزار کەس لە فۆڕمی خۆراک سوودمەند دەبن، تاوەکو ئێستا نزیکەی چوار ملیۆن کەس خۆیان تۆمارکردووە، نۆ ڕۆژ ماوە و نزیکەی یەک ملیۆن کەس ماون ناوی خۆیان تۆماربکەن.

لێدوانی فەرمی: سیامەند قادر نانەکەلی، بەڕێوەبەری پسوولەی خۆراکی هەولێر بە ئاڤای گوت، "سەرەتای مانگی داهاتوو پرۆسەکە تەواو دەبێت، زەحمەتە وادەکە درێژ بکرێتەوە و قۆناغی دووەم دەستپێدەکات کە تۆمارکردنی ناوی لەدایکبووانی نوێ و چەند ڕێکارەکانی دیکەیە."

ئەمەش بزانە: هاووڵاتی دەتوانێت لەڕێگەی ئەو کارتەی کە وەریدەگرێتەوە، لە ئەپلیکەیشنێکی نێو مۆبایلەکەیدا مامەڵەی هاوسەرگیریی، منداڵ زیادکردن، گواستنەوەی پسوولە و گۆڕینی بریکار بکات.