میدیای پەكەكە: توركیا 200 زیندانیكراوی پەكەكە ئازاد دەكات

ئاڤا نیوز

بەگوێرەی میدیای نزیك لە پەكەكە، لە ڕۆژانی ڕابردوودا 200 زیندانیكراوی نزیك لە پەكەكە لە گرتووخانەكانی توركیا ئازاد كراون.

وێنە گەورەكە: لە چوارچێوەی پرۆسەی ئاشتی لە توركیا و دوای داواكاری عەبدوڵڵا ئۆجەلان، ڕێبەری زیندانیكراوی پەكەكە، ڕۆژی 11ـی تەمموزی 2025، یەكەم قۆناغی چەكدانانی پەكەكە لە ئەشكەوتی جاسەنەی سنووری پارێزگای سلێمانی بەڕێوەچوو، تێیدا 15 گەریلای پیاو و 15ـی ئافرەت چەكەكانیان سووتاند، ئەوكات بەسێ هۆزات، هاوسەۆكی كەجەكە و سەرپەرشتیاری ئەو گروپە چەكدارەی كە چەكەكانیان سووتاند، ڕایگەیاند، پێویستە حكومەتی ئەنقەڕەش هەنگاوی كردەیی لە چوارچێوەی پرۆسەی ئاشتی پیشان بدات و گەرەنتی گەڕانەوەی گەریلاكانیش بۆ توركیا بكرێت.

زانیاریی بەدەستهاتوو: هەژماری فەرمیی 'ستێرك تیڤی' لە تۆڕی كۆمەڵایەتیی تەلەگرام بڵاویكردووەتەوە، زیندانیكراوەكان لە چەند ڕۆژی ڕابردوودا بە فەرمانی دادگای باڵای دەستووریی توركیا، ئازاد كراون.

زانیاریی زیاتر: تاكو ئێستا نازانرێت ئەوانەی ئازادكراون؛ گومانلێكراوی پەكەكەن و پێشووتر بە گومانی ئەندامێتی لە پەكەكە دەستگیركراون یاخود بە فیعلی چەكداریی پەكەكە بوونە.