نەتەوە یەکگرتووەکان لەبارەی دۆخی ئێستای غەززەوە هۆشداریی دەدات

ئاڤا نیوز

سكرتێری گشتیی نەتەوەی یەكگرتووەكان ڕاگەیێنراوێك سەبارەت بە دۆخی ئێستا غەززە بڵاودەكاتەوە و دەڵێ کۆمەڵکوژیی ڕووی داوە و دۆخی خەڵك لەوپەڕی خراپیدایە.

چیرۆکی سەرەکی: لە 07-10-2023ەوە جەنگ لە نێوان فەلەستینییەکان و ئیسرائیل لە کەرتی غەززە دەستی پێکردووە، سەرەڕای ئاگربەستی کاتی، بەڵام تاوەکو ئێستا جەنگەکە كۆتایی نەهاتووە و ڕۆژانە دەیان هاووڵاتیی غەززە بە هێرشە ئاسمانی و زەمینییەکانی سوپای ئیسرائیل دەکوژرێن.

بڵاوكراوەی فەرمی: ئەنتۆنیۆ گوتێرێس، سكرتێری گشتیی نەتەوەی یەكگرتووەكان ڕایگەیاند: ژیان لە غەززە گەیشتووەتە دوایین هێڵەكانی مەترسی و دۆخی خەڵك لەوپەڕی خراپیدایە.

- بە تووندی هەموو ئەو کردەوە توندوتیژییانە ئیدانە دەکەین کە خەڵکێک دەكرێتە ئامانج کە بۆ دۆزینەوەی خۆراک بۆ خێزانەکەی دەگەڕێت و تەقەیان لێ دەکرێت و دەکوژرێن یان بریندار دەبن.

- دانیشتووانی غەززە لە سەرەتاییترین پێداویستییەکانی ژیانیان بێبەش كراون.

- لە غەززە کۆمەڵکوژییەکی دیکە دەرحەق بە ئەو كەسانە كراوە كە مەبەستیانە لە یارمەتییە مرۆییەكان سوودمەند بن، ئەمە كردەیەوەكی زۆر دڕندانە بووە و بە توندترین شێوە سەرۆكۆنەی دەكەین.