ڕۆژنامەی وەقایعی کوردستان بڕیاری لێخۆشبوونی هاووڵاتییان لە بڕە پارەیەک بڵاودەکاتەوە

ئاڤا نیوز

 

بۆ ئاسانکردنی باری گوزەرانی هاووڵاتییانی، ئەنجوومەنی وەزیران لەمساڵدا ژمارەیەک بڕیاری بۆ لێخۆشبوونی دەرکرد.

 

وێنە گەورەکە: لە چوارچێوەی جێبەجێکردنی سیاسەتی حکومەتی هەرێـمی کوردستان بۆ خزمەتکردنی زیاتری هاووڵاتییان و ئاسانکردنی باری گوزەران و ژیانیان، ئەنجوومەنی وەزیرانی هەرێمی کوردستان لەمساڵدا ژمارەیەک بڕیاری بۆ لێخۆشبوون لە هاووڵاتییانی لە بڕێک پارە دەرکرد.

 

بڵاوکراوەی فەرمی: لە تازەترین ژمارەی ڕۆژنامەی "وەقایعی کوردستان"دا هاتووە: بە بڕیاری ژمارە 281ـی ساڵی 2025ـی سەرۆکایەتیی ئەنجوومەنی وەزیران کە تایبەتە بە لێخۆشبوونی بڕی پارەی ماوەی پێشینەی هاوسەرگیریی کوڕ و کچی شەهیدان.

 

-بە بڕیاری ژمارە 282ـی ساڵی 2025ـی سەرۆکایەتیی ئەنجوومەنی وەزیران، کە تایبەتە بە درێژکردنەوەی ماوەی کارکردن، بە لێخۆشبوون لە سزای سەرپێچیی هاتووچۆ. 

-ڕێنمایی ژمارە 2ـی ساڵی 2025ـی وەزارەتی دارایی و ئابووریی تایبەت بە ئاسانکاریی جێبەجێکردنی یاسای خانەنشینی یەکگرتووی هەموارکراو لە هەرێمی کوردستان. 

ئەوەی پێویستە بیزانیت: ئەم بڕیارانە سوودی بە ژمارەیەکی زۆری هاووڵاتییان گەیاندووە و بڕە پارەیەکیان بۆ دەگەڕێتەوە کە دەبوو بیدەن.