حکومەتی عێراق ڕەزامەندی لەسەر دروستکردنی سێ بەنداو دەدات

ئاڤا نیوز

وەزارەتی سەرچاوەکانی ئاوی عێراق ئاشکرای کرد، ڕەزامەندیی دراوە لەسەر دروستکردنی سێ بەنداو لە پارێزگاکانی نەینەوا، کەربەلا و موسەننا.

 

وێنە گەورەکە: چەند ساڵێکە عێراق ڕووبەڕووی قەیرانی کەمیی ئاو بووەتەوە بەهۆی کاریگەرییەکانی گۆڕانی کەشوهەوا، کەمیی بارانبارین، کەمبوونەوەی سەرچاوەکانی ئاو و کەمی بەردانەوە ئاوی ڕووبارەکان لەلایەن وڵاتانی دراوسێیەوە، حکومەتی عێراق چەندین ڕێکاری بۆ ڕووبەڕووبوونەوەی قەیرانەکە گرتووەتە بەر لەوانەش دروستکردنی بەنداوی نوێیە.

 

ڕاگەیێنراوی فەرمی: عۆن زیاب، وەزیری سەرچاوەکانی ئاوی عێراق، ڕەزامەندیی لەسەر دروستکردنی بەنداوی ئەبیەز 2 لە کەربەلا و ئەبو تاکییە لە نەینەوا و بەنداوی خەرز لە موسەننا داوە.

 

زانیاریی زیاتر: لە ناوەڕاستی ئەم مانگەدا، عۆن زیاب ئاشکرای کرد، دەستکراوە بە ئامادەکردنی ڕاپۆرتی تایبەت لەبارەی دروستکردنی 10 بەنداو لە بەنداوە جیاوازەکانی عێراق، بۆ ڕووبەڕووبوونەوەی قەیرانی کەمئاوی.