بەغدا وەک یەکێک لە پیسترين شارەکانی ڕۆژهەڵاتی ناوەڕاست و جیهان دەستنیشان دەکرێت

ئاڤا نیوز

بەپێی ڕاپۆرتێکی نێودەوڵەتی، کەشوهەوای بەغدا وەک یەکێک لە پیسترین شارەکانی ڕۆژهەڵاتی ناوەڕاست و جیهان پۆلێن کراوە.

چیرۆکی سەرەکی: بەپێی ڕاپۆرتێکی ماڵپەڕی "ئای کیو ئێر (IQAir)ی سویسری، پسپۆڕی جیهانی لە چاودێریکردن و هەڵسەنگاندنی کوالێتیی هەوا،  بەغدا لە ڕووی بەرزیی ڕێژەی پیسبوونی هەواوە لە پلەی حەوتەم لە لیستی پیسترین شارەکانی ڕۆژهەڵاتی ناوەڕاست دێ و لەسەر ئاستی جیهانیش لە پلەی 24ـەمدا هاتووە.

ڕاگه‌یێنراوی فه‌رمی: بەپێی ڕاپۆرتەکە لەسەر ئاستی ڕۆژهەڵاتی ناوەڕاست، دەوحەی پایتەختی قەتەر لە پێشەنگی لیستەکەدا هاتووە وەک پیسترین شاری ناوچەکە، دوای ئەویش شاری دوبەی، قودس، قاهیرە، ڕیازی پایتەختی سعوودیە و شاری تەلئەبیب دێ، بەغداش لە پلەی حەوتەمی لیستەکەدا هاتووە.

هۆكاره‌ زانراوه‌كان: ئەم پۆلێنکردنە قەبارەی ئەو ئاڵنگارییانە نیشان دەدات کە بەهۆی نەبوونی ژێرخانی ژینگەیی گونجاو ڕووبەڕووی شارە گەورەکانی ناوچەکە دەبنەوە، کۆنترۆڵ نەکردنی دەرهاویشتە زیانبەخشەکان و کەمبوونەوەی ڕووبەری سەوزایی و چەندین هۆکاری دیکەی پەیوەست بەژینگە و کەشوهەوا هۆکاری دیکەن.

لەلایەکی دیکەوە: ڕێکخراوی تەندروستیی جیهانی لە نوێترین ڕاپۆرتیدا سەبارەت بە کەشوهەوا  جەختی کردووەتەوە کە لە هەر 10 کەسێک لە جیهاندا، نۆ کەسیان هەوایەکی پیس هەڵدەمژن و هۆشداریی داوە لەوەی پیسبوونی هەوا بووەتە هۆکارێکی سەرەکیی تووشبوون بە نەخۆشییەکانی کۆئەندامی هەناسە و چەندین جۆری نەخۆشی شێرپەنجە.