سەرۆکوەزیران مەسرور بارزانی پیرۆزبایی لە عەلی باپیر دەکات

ئاڤا نیوز

 

سەرۆکوەزیران مەسرور بارزانی پیرۆبایی لە عەلی باپیر دەکات، بەبۆنەی دووبارە هەڵبژاردنەوەی وەک سەرۆکی کۆمەڵی دادگەریی کوردستان و دەڵێت، "ئومێدەوارم كۆمه‌ڵی دادگەریی کوردستان و هەموو هێز و لایەنە کوردستانییەکان، هاوهەڵوێست و هاودەنگ بن لەسەر داکۆکیکردن لە ماف و داخوازییەکانی گەلی کوردستان".

 

چیرۆکی سەرەکی: ڕۆژی شەممە لە شاری هەولێر کۆنگرەی پێنجەمی کۆمەڵی دادگەری کوردستان دەستی بە کارەکانی کرد و ماوەی دوو ڕۆژ بەردەوام بوو، لە کارەکانی کۆنگرەکە عەلی باپیر، بە سەرۆکی حیزبەکە هەڵبژێردرایەوە و 29 کەسیش وەک ئەنجوومەنی سەرکردایەتی هەڵبژێردران.

 

لێدوانی فەرمی: سەرۆکوەزیران مەسرور بارزانی لە پەیامەکەیدا ڕایگەیاند، "بۆنەی هه‌ڵبژاردنه‌وه‌تان به‌ سه‌رۆكى كۆمه‌ڵى دادگه‌ريى كوردستان و سه‌ركه‌وتنى كۆنگره‌كه‌تان، پیرۆزبایی لە بەڕێزتان و سه‌ركردايه‌تيى نوێی كۆمه‌ڵی دادگەریی کوردستان ده‌كه‌م و هيواى سه‌ركه‌وتنتان بۆ ده‌خوازم".

سەرۆکوەزیرانی کوردستان ئومێدەوارە، "كۆمه‌ڵی دادگەریی کوردستان و هەموو هێز و لایەنە کوردستانییەکان، هاوهەڵوێست و هاودەنگ بن لەسەر داکۆکیکردن لە ماف و داخوازییەکانی گەلی کوردستان و بەرگریکردن لە قەوارەی دەستووریی هەرێمی کوردستان."