نوجەبا: هەڵوێستی ئەمریکا بەردەوامی بە بژاردەی مقاوەمە دەدات

ئاڤا نیوز

بزووتنەوەی نوجەبا لێدوانەکانی وەزیری دەرەوەی ئەمریکا سەبارەت بە حەشدی شەعبی ڕەت دەکاتەوە و دەڵێت، ئەم هەڵوێستە "بەردەوامی بە بژاردەی بەرەی مقاوەمە دەدات".

چیرۆکی سەرەکی: مارکۆ ڕۆبیۆ، وەزیری دەرەوەی ئەمریکا لە پەیوەندییەکی تەلەفۆنی لەگەڵ محەممەد شیاع سوودانی، سەرۆکوەزیرانی عێراق نیگەرانییەکی زۆر تووند و ڕاشکاوانەی سەبارەت بە یاسای حەشدی شەعبی دەربڕی.

لێدوانی فەرمی: عەلی ئەسەدی، سەرۆکی ئەنجوومەنی سیاسیی بزووتنەوەی نوجەبا، ڕایگەیاند، "دەستوەردانی وەزیری دەرەوەی ئەمریکا لە کاروباری ناوخۆی عێراق کارێکی قبووڵنەکراوە و پێویستە سەرکردە و لایەنەکانی عێراق ڕەتی بکەنەوە .

زانیاریی زیاتر: ئەسەدی جەختیشی کردەوە کە ئەم هەڵوێستەی ئەمریکا بەڵگەیەکی دیکەیە لەسەر "بەردەوامبوونی بەرەی مقاوەمە".

ئەوەی پێویستە بیزانیت: بزووتنەوەى نوجەبا، گرووپێکى چەکداریى سەر بە شیعەی عێراقە، لە ساڵى 2013ـەوە دامەزراوە، لە عەسائیبی ئەهلى حەق جیابووەتەوە، لایەنێکی پێکهێنەری حەشدی شەعبییە.