جگە لە خانەنشینان ئەمڕۆ فەرمانبەرانی سێ وەزارەتی دیكە مووچە وەردەگرن

ئاڤا نیوز

هەرچەندە بە پێی خشتەی وەزارەتی دارایی، سبەی دەست بە دابەشكردنی مووچەی مانگی پێنجی فەرمانبەرانی هەرێمی كوردستان دەكرێت، بەڵام فەرمانبەرانی بەشێك لە وەزارەتەكان ئەوانەی بەشداری 'هەژماری من'ـن، دەتوانن ئەمڕۆ مووچەكانیان لە ئەی.تی.ئێمەكانەوە ڕابكێشن.

 

چیرۆکی سەرەکی: ئەمڕۆ پێنجشەممە 2025-07-24، بەغدا پارەی مووچەی مانگی پێنجی فەرمانبەرانی هەرێمی كوردستانی ڕەوانە کرد و هەر ئەمڕۆش وەزارەتی دارایی ڕایگەیاند, لەماوەی سێ ڕۆژ مووچەی سەرجەم وەزارەتەكان دابەش دەكرێت و خشتەی مووچەیشی بڵاو كردەوە.

زانیاریی پەیامنێر: عوبەید هەركی، پەیامنێری ئاڤا میدیا لە هەولێر، زانیاریی لە تیمی هەژماری من وەرگرتووە و ڕایگەیاند: جگە لە خانەنشینان، ئەمڕۆ فەرمانبەرانی هەریەك لە وەزارەتەكانی پەروەردە و خوێندنی باڵا و تەندروستی ئەوانەی كە لە هەژماری من تۆمار كراون دەتوانن مووچەكانیان لە ATM ڕابكێشن.

زانیاریی زیاتر: بەپێی خشتەی وەزارەتی دارایی، فەرمانبەرانی وەزارەتەكانی پەروەردە و تەندروستی، ڕۆژی شەممە و فەرمانبەرانی وەزارەتی خوێندنی باڵاش ڕۆژی یەكشەممە مووچەكانیان بە كاش وەردەگرن، بەڵام مانگانە بەشداربووانی هەژماری من دوو ڕۆژ پێشتر دەتوانن مووچەكانیان لە ATMـەکان ڕابكێشن.