توێژینەوەیەک ڕێژەی هەنگاوی تەندروست لە ڕۆژێکدا ئاشکرا دەکات

ئاڤا نیوز

زۆرێک پێیان وایە ڕۆیشتن بە نزیکەیی 10 هەزار هەنگاو لە ڕۆژێکدا وەک پێوەرێک بۆ تەندروستی و لەشجوانی بەناوبانگ بووە، بەڵام توێژینەوەیەکی نوێ ژمارەیەکی دیکە دەخاتەڕوو.

وێنە گەورەکە: ڕۆیشتن یەکێکە لە ڕاهێنانە سەرەکیی و ئاسانەکان، کە بەهۆیەوە چەندین کاریگەری ئەرێنی لەسەر جەستە و تەندروستی مرۆڤ بەجێدەهێڵێت، هەندێک بیروڕا دەڵێن پێویستە ڕۆژانە 10 هەزار هەنگاو ئەنجام بدرێت، بەڵام توێژینەوەیەکی نوێ پێچەوانەی ئەم بیروڕا باوە دەخاتەڕوو.

زانیاریی بەدەستهاتوو: توێژینەوەکە بە سەرۆکایەتی ئەکادیمیستەکانی زانکۆی سیدنی لە ئوسترالیا ئەنجامدراوە و تێیدا توێژەران داتای دەیان توێژینەوەیان لە سەرانسەری جیهاندا پشکنیووە و دەرکەوتووە ئەو کەسانەی ڕۆژانە 7 هەزار هەنگاو بەپێ دەڕۆن لە کۆمەڵێک نەخۆشی پارێزراون لەوانە 25% ئەگەری تووشبوونیان بە نەخۆشییەکانی دڵ کەمترە و 14% ئەگەری تووشبوونیان بە نەخۆشی شەکرە جۆری دووەم کەمترە و 38%  ئەگەری تووشبوونیان بە نەخۆشی لەبیرچوونەوە، هاوکات 22% ئەگەری تووشبوون بە خەمۆکی کەمترە.

ئەوەی لەبارەیەوە دەگوترێت: نووسەرانی توێژینەوەکە لە ڕۆژنامەی The Lancet Public Health نووسیویانە: "هەرچەندە ڕۆیشتن بە 10 هەزار هەنگاو لە ڕۆژێکدا هەڵبژاردەیەکی باشە، بەڵام ڕۆیشتن بە حەوت هەزار هەنگاو پەیوەندی بە باشتربوونی بەرچاوی تەندروستییەوە هەیە و ئامانجێکی تەندروست و پراکتیکییە، بەتایبەتی بۆ کەسانی بەتەمەنن یاخوود تەمبەڵ.