لە بەغدا کەسێک 16 کیلۆ زێڕ دەدزێت و دەستگیر دەکرێت

ئاڤا نیوز

پۆلیسی بەغدا تۆمەتبارێکی بە تۆمەتی دزینی دووکانێکی زێڕینگری لە ناوچەی ئەعزەمیە دەستگیرکردووە و دەستیان بەسەر 16 کیلۆگرام زێڕ و خشڵی دزراودا گرتووە.

ڕاگەیێنراوی فەرمی: فەرماندەیی پۆلیسی بەغدا بەری ڕەسافە،  لە ڕاگەیێنراوێکدا  ئەمڕۆ هەینی، 2025-07-25 وردەکاریی ڕووداوی دزینی دووکانێکی زێڕینگری لە ناوچەی ڕاس حەواش لە ئەعزەمیە ئاشکرا کرد و ڕایگەیاند: تیمێکی بەشی نەهێشتنی تاوانی ئەعزەمیە توانیویانە تۆمەتبارێک دەستگیربکەن، بڕی 16 کیلۆگرام زێری دزیوە، بەهاکەی بە نزیکەی چوار ملیار دیناری عێراقی دەخەمڵێنرێت.

بەگوێرەی وردەکاری ڕووداوەکە، تاوانبارەکە لەڕێگەی خانوویەکی چۆڵکراوی پشت دووکانەکەوە، کونێکی لە دیواری نێوانیاندا دروست کردووە و لەو ڕێگەیەوە خۆی گەیاندووەتە ناو دووکانەکە و تاوانەکەی ئەنجامداوە."

زانیاریی زیاتر: ڕاگەیێنراوەکە ئەوەشی خستەڕوو، لە ڕێگەی لێدانەوەی تۆماری ڤیدیۆی کامێراکانی چاودێرییەوە، شێوازی هەڵاتنی تاوانبارەکە دیاری کراوە کە سەرکەوتووە لەگەڵ تەکسییەکی جۆری هۆندای ئەکسنت بەرەو ناوچەی سلێخ، دوای بەدواداچوون، شۆفێری تاکسییەکە دەستگیرکراوە و وردەکارییەکانی ڕووداوەکەی بۆ لێکۆڵەری دادی گێراوەتەوە.