حكومەتی عێراق پشووی هەردوو جەژنی ڕەمەزان و قیامە دیاریدەكات

ئاڤا نیوز

حكومەتی عێراق بۆ جەژنی ڕەمەزانی موسوڵمانان پێنج ڕۆژ پشوو دیاریدەكات و بۆ جەژنی قیامەی كریستیانەكانیش دوو ڕۆژ دەكاتە پشوو.

ڕاگەیێنراوی فەرمی: ئەنجوومەنی وەزیرانی عێراق لە كۆبوونەوەی ئەمڕۆیدا بڕیاریدا، لە ڕۆژی سێشەممە نۆی نیسانی 2024ەوە تاوەکو ڕۆژی شەممە 13ی نیسانی 2024، پشووی جەژنی ڕەمەزان دەبێت،  ڕۆژی یەکشەممە 14ی نیسان لە سەرجەم دامودەزگا حکومییەکان دەوامی فەرمییە.

زانیاريی زیاتر: جگە لە پشووی جەژن، بەبۆنەی جەژنی قیامە ئەنجوومەنی وەزیرانی عێرق دوو ڕۆژ پشووی فەرمی بۆ پێکهاتەی کریستیانیش دیاریکرد، کە دەکەوێتە ڕۆژانی 31ـی ئادار و یەکی نیسانی 2024.

لە لایەکی دیکەوە: بەپێی ڕۆژژمێری حکومەتی هەرێمی کوردستان لە نۆ تاوەکو 12ـی نیسان پشووی جەژنی ڕەمەزان و یەكـی نیسانیش پشووی جەژنی قیامەیە.