پارێزگاری نوێی بەغدا هەڵبژێردرا؛ مالیکی لە سوودانی بردەوە

ئاڤا نیوز

ئەنجوومەنی پارێزگای بەغدا لە دانیشتنێکی فەرمیدا، بە زۆرینەی دەنگ عەتوان عەتوانی، سەرکردە لە هاوپەیمانیی دەوڵەتی یاسا و سەرۆکی لیژنەی دارایی پەرلەمانی، وەک پارێزگاری نوێی پایتەخت هەڵبژارد.

چیرۆکی سەرەکی: دوای هەفتەیەک لە بێ پارێزگاریی، ئەنجوومەنی پارێزگای بەغدا بۆ هەڵبژاردنی پارێزگارێکی نوێ کۆبووەوە و بە زۆرینەی دەنگ، عەتوان عەتوانی، سەرکردە لە هاوپەیمانی دەوڵەتی یاسای وەک پارێزگاری نوێی بەغدا هەڵبژێردرا.

چی ڕوویدا: دوای کێبڕکێیەکی تووند لەنێوان نووری مالیکی، سەرۆکی هاوپەیمانی دەوڵەتی یاسا و محەممەد شیاع سوودانی، سەرۆکوەزیرانی عێراق، دواجار کاندیدەکەی دەوڵەتی یاسا دەنگی زۆرینەی ئەندامانی ئەنجوومەنی پارێزگای بەغدای بەدەستهێناو بووە پارێزگار.

ئەوەی پێویستە بیزانیت: بەپێی ئیستیحقاقی هەڵبژاردن بێت ئەم پۆستە دەبوو بۆ نووری مالیکی بێت، بەڵام سوودانی هەوڵێکی زۆردا تاوەکو پۆستەکە بۆ ئەو بێت.

ئەمەش بزانە: عەتوان عەتوانی، کە سەرۆکی لیژنەی دارایی پەرلەمانی عێراقە و پێشتریش پۆستی پارێزگاری بەغدای بەڕێوەبردووە، بە یەکێک لە کەسایەتییە دیارەکانی هاوپەیمانیی دەوڵەتی یاسا بە سەرۆکایەتیی نووری مالیکی دادەنرێت.