شێخ دارا: پلەکانی گەرما لە هەرێمی کوردستان دادەبەزێت

ئاڤا نیوز

بەپێی پێشبینییەکانی کەشوهەوا، لەم هەفتەیەدا پلەکانی گەرما لە هەرێمی کوردستان دادەبەزێت و کەشوهەوا فێنک دەبێت.

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند، کەشناسی جیهانی لە ساڵی 1953 بڕیاری داوە هەرکاتێک پلەی گەرما گەیشتە 50 پلەی سلیزی دەبێت لە دام و دەزگاکان بکرێتە پشوو، "هەروەکو بینیمان لە بەشێک لە پارێزگاکانی عێراق کرایە پشووی فەرمی".

- بەپێی پێشبینی کەشوهەوا، لە ڕۆژی سێشەممەوە پلەی گەرما لە هەرێمی کوردستان دادەبەزێت و کەش و هەوا فێنک دەبێت.

- بەرزترین پلەی گەرما جگە لە گەرمیان، لە هیچ ناوچەیەکی هەرێمی کوردستان نەگەیشتووەتە 50 پلەی سیلیزی، بەڵام لە هەندێک ناوچەی عێراق 53 پلەی سیلیزی تۆمار کراوە.

ئەوەی پێویستە بیزانیت: ئەمڕۆ بەهۆی بەرزی پلەی گەرما کە سەرووی 50 پلەی سیلیزی بوو، هەریەک لە پارێزگاکانی کەربەلا، دیوانیە، واست، بەسرە، زیقار، موسەننا و میسان، لە سەرجەم فەرمانگە و دامەزراوەکانیاندا پشووی فەرمی بوو. 

لەلایەکی دیکەوە: دەستەی گشتیی کەشناسی عێراق لە ڕاگەیێنراوێکدا ئاشکرای کرد، ئەمڕۆ یەکشەممە 27ی تەمموزی 2025، جگە لە بەسرە، 12 پارێزگای دیکەی عێراق نیوەی پلەی کوڵانیان تێپەڕاند، لەوانە بەغدا، کەرکووک، سەڵاحەددین، کەربەلا، واست، دیوانیە، میسان و زیقار کە 51 پلەیان تۆمارکردووە، لە کاتێکدا دیالە، بابل، نەجەف و موسەننا 50 پلەیان تۆمارکردووە.