بەڤیدیۆ؛ چیرۆکی شکاندنی ئەی تی ئێمێک لەلایەن مووچەخۆرێک لە هەولێر

ئاڤا نیوز

دوای ئەوەی نەیزانیوە کارتی ڕاکێشانی پارە بەکاربهێنێت، فەرمانبەرێک لە شاری هەولێر بە بلۆک یەکێک لە ئامێرەکانی ئەی تی ئێمی "هەژماری من" دەشکێنێت. تیمی هەژماری من تا ئێستا سکاڵایان لە دژی ئەو فەرمانبەرە تۆمار نەکردووە.

چیرۆکی سەرەکی: فەرمانبەرێک چووە بۆ ڕاکێشانی پارە لە یەکێک لە ئەی تی ئێمەکان کە لەلای یاریگەی نێودەوڵەتی فەرەنسۆ هەریرییە. فەرمانبەرەکە بە هەڵە کارتەکەی بەکارهێناوە، بەڵام بەهۆی هەڵە بەکارهێنانییەوە، پارەکە لە ئەی تی ئێمەکە نەهاتووەتە دەرەوە، ئەویش بە بڵۆک ئامێرەکە دەشکێنێت.

ئەوەی پێویستە بیزانیت: هەر ئامێرێکی ڕاکێشانی پارە نرخەکەی بە سێ دەفتەر دۆلارە.

لێدوانی فەرمی: تیمی هەژماری من دەڵێت، "ئێمە سکاڵامان لەسەر ئەو فەرمانبەرە تۆمار نەکردووە، بەڵام هێرش کردن و تێکدانی موڵکی گشتی، خۆی لەلایەن داواکاری گشتییەوە دەبێتە سکاڵا و لایەنی ئەمنیش لێپرسینەوەی لەگەڵ دەکەن".

- فەرمانبەرەکە لە بانکی بەغدا بەشداری هەژماری منی کردووە و نەیزانیوە کارتەکەی بەکاربێنێت، داخەکەی بە ئامێرەکە ڕشتووە.

- ئەی تی ئێمەکانی بانکی جیهان بە دوو شێواز دەتوانرێت پارەی لێ ڕابکێشرێت، واتە یان کارتەکە دەبێت بخرێتە ناو ئەی تی ئێمەکە یان لەسەر چوار گۆشەیەک دابنرێت، چونکە لەمسە و خۆی کارتەکە دەخوێنێتەوە، بەڵام کاتێک بەشداربووی بانکێکی دیکەیە و دەیەوێ لە بانکی جیهان پارە ڕابکێشێت، دەبێت کارتەکە بخاتە ناو ئەی تی ئێمەکە، واتە ڕێگەی دووەم بەکاربهێنێت.