لە هەولێر چێشتخانەیەک گۆشتی وشترمڕ دەفرۆشێت

 ئاڤا نیوز

یەكێک لە چێشتخانەکانی هەولێر، گۆشتی وشترمڕی بۆ ئەو کەسانە دەستبەر کردووە کە سەردانیان دەکەن و خواستێکی زۆریشی لەسەرە.

چیرۆکی سەرەکی: خاوەنی ئەو خواردنگەیە باسی لەوەکردووە لەبەر ئەوەی گۆشتی وشترمڕ هیچ چەورییەکی نییە، خواستێکی زۆری هاووڵاتییانی لەسەر و هەندێک کەس بە تایبەت بۆ خواردنی ئەو گۆشتە سەردانی دەکەن. 

زانیاریی زیاتر: مانگانە نزیکە 15 وشترمڕ لەو خواردنگە دەکوژرێتەوە کە هەموویان لە بەسڕە و بەغداوە هاوردە دەکرێن. کە نەرخی یەک دانەیان دەگاتە یەک ملیۆن دینار و کیلۆی بە 35 هەزار دینارە. 

ئەمەش بزانە: بەهۆی ئەوەی ناوەوەی ئەو گۆشتە خوێنی تێدا دەمێنێت هەموو کەسی ناتوانێت بیخوات، بەشی زۆری ئەو کەسانەی لە هەولێر داوای دەکەن خەڵکی بە ڕەگەز عەرەبن.