تۆڕێکی ساختەکاری و بەرتیل وەرگرتن لە شارەوانیی ناسریە هەڵوەشێندرایەوە

ئاڤا نیوز

 

دەستەی دەستپاکی فیدراڵیی عێراق هەڵوەشاندنەوەی تۆڕێکی ساختەکاری و بەرتیل وەرگرتنی لە شارەوانیی ناسریە لە پارێزگای زیقار ڕاگەیاند کە لە 16 کەس پێکهاتوون.

 

وێنە گەورەکە: لە دوای ساڵی 2003 گەندەڵی لە عێراق بووەتە باوترین دیاردە و سەرجەم دامەزراوەکانی دەوڵەتی گرتووەتەوە، ئێستاش گەیشتووەتە ئاستێكی مەترسیدار و حکومەت ناتوانێت بنبڕی بکات.

 

ڕاگەیێنراوی فەرمی: بەگوێرەی ڕاگەیێنراوی دەستەکە، نووسینگەی لێکۆڵینەوەی دەستەکە لە پارێزگای زیقار، دوای گەیشتنی زانیاری دەربارەی بوونی گومانی گەندەڵی، تیمێکی کاری پێکهێناوە و چوونەتە بەڕێوەبەرایەتیی شارەوانیی ناسریە. دوای بەدواداچوون و لێکۆڵینەوە، تیمەکە توانی تۆڕێکی پێکهاتوو لە 16 فەرمانبەر ئاشکرا بکات.

 

چی ڕووی دا: تیمەکە دەستیان بەسەر سەدان مامەڵەدا گرت کە بۆ تەملیککردنی پارچە زەویی نیشتەجێبوون کە موڵکی شارەوانین، بە پێچەوانەی ڕێکار و ڕێنماییەکان، جگە لە دۆزینەوەی سەنەد و نووسراو و وەسڵی بەتاڵ." هاوکات "تۆڕەکە هەستاوە بە ساختەکردنی نووسراو و بەڵگەنامەکان بۆ بەدەستهێنانی بەرژەوەندیی تایبەتی."

 

لەهەمان کاتدا: "تیمەکە توانیویەتی فەرمانی دەستگیرکردن بۆ 15 تۆمەتبار جێبەجێ بکات و دەستگیریان بکات، لە کاتێکدا یەکێک لە تۆمەتبارەکان هێشتا هەڵاتووە."