هەزار پارچە زەوی دیکە لە سنووری هەولێر دابەش دەکرێن

ئاڤا نیوز

پرۆسەی دابەشکردنی زەوی لە سنووری پارێزگای هەولێر بەردەوامە، ئامادەکاری کراوە بۆ ئەوەی هەزار پارچە زەوی دیکە لە سنوورەکە و بەدیاریکراوی سنووری قەزای خەبات دابەش بکرێت.

وێنە گەورەکە: نزیکەی 24 هەزار پارچە زەوی لەسنووری پارێزگای هەولێر بەچەند قۆناغێک دابەش کراون، پرۆسەکە بەردەوامە و  ئەو فەرمانبەر و خانەنشینانەی ماون زەوییان پێدەدرێت.

لێدوانی فەرمی: مەریوان حاکم هادی، بەڕێوەبەری گشتیی شارەوانییەکانی هەولێر بە ئاڤای گوت، "ڕۆژی یەکشەممە 2025-08-03، تیروپشک بۆ دابەشکردنی هەزار پارچە زەوی لە کەورگۆسك دەکرێت."

ئەمەش بزانە: نزیکەی 140 هەزار فەرمانبەر و خانەنشین لە سنووری پارێزگای هەولێر لە پرۆسەی وەرگرتنی زەوی سوودمەند دەبن، 70 هەزاریان لە سەنتەری پارێزگای هەولێرن.