سەبارەت بە ڕووسیا زێلینسکی داوایەک ئاراستەی جیهان دەکات

شەیری بکە لە:
سەبارەت بە ڕووسیا زێلینسکی داوایەک ئاراستەی جیهان دەکات

ڤۆلۆدیمێر زێلینسکی، سەرۆکی ئۆکراینا. وێنە؛ AP

ئاڤا نیوز

سەرۆکی ئۆکراینا، پەیامێک ئاراستەی وڵاتانی جیهان دەکات و داواییان لێدەکات دەسەلاتی رووسیا بگۆڕن.

چیڕۆکی سەرەکی: زیاتر لە سێ ساڵە ڕووسیا و ئۆکراینا لە جەنگێکی قورس دان و تاوەکو ئێستاش بەردەوامن لە هێرشەکانیان بۆ سەر یەکتری و بەهۆیەوە دەیان هەزار کەس ماڵەکانیان چۆڵکردووە و ڕووسیاش دەیان ناوچەی ئەو وڵاتەی داگیر کردووە.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا ڕایگەیاند، ''پێویستە جیهان هەنگاو بۆ "گۆڕینی ڕژێم" لە ڕووسیادا بنێت، چونکە ئەگەر جەنگیش کۆتایی بێت ڕوسیا بەردەوام هەوڵی تێکدانی سەقامگیری و ئاسایشی دراوسێکانی دەدات''. پێویستە گوشارە نێودەوڵەتییەکان بۆ سەر ڕووسیا زیاتر بکرێن بۆ وەستانی شەڕ.

زانیاریی زیاتر: ڕووسیا و ئۆکراینا سێ جار بۆ گەیشتن بە ئاگربەست سێ خولی دانوستانیان لە ئیستەنبووڵ بە نێوەندگیری تورکیا ئەنجامداوە، بەڵام تاوەکو ئێستا نەگەیشتوون بە ڕێککەوتنێکی گشتگیر و هەمیشەیی بۆ ڕاگرتنی جەنگ، هاوکات سەرۆکی ئەمریکا 10 ڕۆژی وەک مۆڵەت داوەتە پووتین بۆ رازیبوون بە ئاگربەست'.

زیاتر لەسەر ئەم بابەتانە بکۆڵەرەوە

شەیری بکە لە: