ئیسرائیل هەزار و 373 فەلەستینی لە سەرەی وەرگرتنی یارمەتیدا کوشتووە

ئاڤا نیوز

نەتەوە یەکگرتووەکان ئاماری نوێی ئەو فەلەستینییانە بڵاو دەکاتەوە کە لە سەرەی وەرگرتنی یارمەتییە مرۆییەکان لە کەرتی غەززە، لەلایەن ئیسرائیلەوە کوژراون.

ڕاگەیێنراوی فەرمی: نەتەوە یەکگرتووەکان ڕایگەیاند لە کۆتاییەکانی مانگی ئایارەوە تا ئێستا ئیسرائیل هەزار و 373 فەلەستینی لە سەرەی وەرگرتنی ئارد لە کەرتی غەززە کوشتوون.

زانیاریی زیاتر: سەربازانی سوپای ئیسرائیل بە تەقەی ڕاستەوخۆ ئەو فەلەستینییانە دەکوژن کە دەچن بۆ وەرگرتنی ئارد و خۆراک، ئەمە لە کاتێکدایە ئیسرائیل و ئەمریکا 'دامەزراوەی مرۆیی غەززە'یان دامەزراندووە تا لە کەرتەکە خۆراک دابەش بکات.

ئەمەش بزانە: فەلەستینییەکان بە 'دامەزراوەی مرۆیی غەززە' دەڵێن تەڵەی مردن، چونکە کە دەچن بۆ ئەوێ تەقەیان لێدەکرێت.

لەلایەکی دیکەوە: ڕێکخراوی نێودەوڵەتیی چاودێریی مافەکانی مرۆڤ، هیومان ڕایتس وۆچ، ڕایگەیاند کوشتنی ئەو کەسانە لەلایەن ئیسرائیلەوە تاوانی جەنگە.