تۆم باراک: پشتیوانی لە ئەحمەد شەرع بۆ ڕووبەڕووبوونەوەی ئێران و داعش لە سووریا زۆر گرنگە

ئاڤا نیوز

ئەمریکا ئامانجەکانی لە سووریا ئاشکراکرد و نوێنەری تایبەتی ئەو وڵاتەش بۆ کاروباری سووریا ڕایگەیاند، لە ڕوانگەی ئەمریکاوە پێگەی ئەحمەد شەرع زۆر گرنگە.

وێنە گەورەکە: دوای ڕووخانی ڕژێمی ئەسەد، ئەمریکا و وڵاتانی ڕۆژئاوا پشتگیری لە حکومەتەکەی ئەحمەد شەرع دەکەن و دەیانەوێت حکومەتی ئێستای سووریا بە شێوەیەکی کاریگەری ڕێگری بکات لە زیادبوونی هەژموونی ئێران لە سووریا و سەرهەڵدانەوەی داعش لەو وڵاتە.

لێدوانی فەرمی: تۆم باراک، نوێنەری تایبەتی ئەمریکا بۆ کاروباری سووریا ڕایگەیاند، پشتیوانیکردن لە ئەحمەد شەرع، سەرۆکی سووریا، بۆ کەمکردنەوەی کاریگەریی ئێران و ڕێگریکردن لە سەرهەڵدانەوەی داعش لە سووریا زۆر گرنگە.

"ئامانجەکانی ئەمریکا، ئەحمەد شەرع و هاوپەیمانانمان هاوتەریبن، بەڵام چەندین گرووپ هەوڵی تێکدانی ئەم پەیوەندییە دەدەن و ئێران لەم نێوەندەدا ئاڵنگارییەکی زۆر جددیترە بۆ هەمووان".

زانیاریی زیاتر: بەگوتەی تۆم باراک، هێزەکانی ژێر کۆنتڕۆڵی سووپای پاسدارانی ئێران و داعش دەیانەوێت دۆخی سووریا ناجێگیر بکەن.