ئۆکراینا لەڕێگەی فڕۆکەی بێفڕۆکەوانەوە بۆرییەکی غاز دەپێکێت

ئاڤا نیوز

ئۆکراینا ڕایگەیاند، لە هێرشێکی فڕۆکەی بێفڕۆکەوان بۆ سەر ڕووسیا ئامانجە سەربازییەکان و بۆرییەکی غازی کردووەتە ئامانج، دەسەڵاتدارانی ناوخۆی ڕووسیا ڕایانگەیاندووە: بەهۆی هێرشەکەوە سێ کەس کوژراون و دوو کەسی دیکەش برینداربوون.

وێنە گەورەکە: دوای بەردەوامی گرژیی و جەنگی  نێوان ڕووسیا و ئۆکراینا، دەزگای ئەمنی SBUی ئۆکراینا ڕایگەیاند، هێرشەکان بە فڕۆکەی بێفڕۆکەوانی دوور مەودا ئەنجامدراون، فڕۆکەخانەیەکی سەربازییان لە شارۆچکەی پریمۆرسکۆ - ئەختارسک لە باشووری ڕۆژئاوای ڕووسیا کردووەتە ئامانج.

ئەوەی پێویستە بیزانیت: دەزگا ئەمنییەکانی ڕووسیا ئاماژەیان بەوە کردووە، بەهۆی هێرشەکان ئاگر کەوتووەتەوە لەو ناوچانەی کە فڕۆکە بێفڕۆکەوانەکانی "شەهید" لێیە کە لەلایەن ئێرانەوە دروستکراون، شوێنێکی دیکەیان کردووەتە ئامانج  کە  کۆمپانیایەک بە ناوی "ئێلیکترۆپرایبۆر"ـە  لە ناوچەی پێنزای باشووری ڕووسیایە کۆمەڵگەیەکی پیشەسازییە و تۆڕی دیجیتاڵی سەربازی و ئامێری فڕۆکەوانی و زرێپۆش و کەشتی دروست دەکات.

زانیاریی زیاتر:  جەنگی ڕووسیا و ئۆکراینا کە لە شوباتی 2022  دەستیپێکرد و ئۆکراینا بەردەوام فڕۆکەی بێفڕۆکەوانی بەکارهێناوە بۆ پێکانی ئامانجەکانی لە ناو  ڕووسیا و زیان بە کۆمەڵگەی پیشەسازیی و شوێنە سەربازەییەکانی ڕووسیا دەگەیەنێت، ئەمڕۆش وەزارەتی بەرگریی ڕووسیا ڕایگەیاندووە 93 فڕۆکەی بێفڕۆکەوانی ئۆکراینا تێکشکێنراوە لە شەودا.

لەلایەکی دیکەوە: ڤۆلۆدیمیر زێلێنسکی، سەرۆکی ئۆکراینا ڕایگەیاند، "تەنیا پووتین دەتوانێت کۆتایی بە شەڕەکە بهێنێت" و ئامادەیی خۆی بۆ دانیشتن لەگەڵ پووتین دەربڕی، وتیشی "ئەمریکا ئەوەی پێشنیاز کردووە، ئۆکراینا پاڵپشتی کردووە و  ئەوەی پێویستە ئامادەیی ڕووسیایە".