ئێران: لە 10 ڕۆژدا ملیۆنێک زیارەتکار سەردانی عێراقیان کردووە

ئاڤا نیوز

بەگوێرەی وەزارەتی ناوخۆی ئێران، لە سەرەتای مانگی سەفەری کۆچییەوە، زیاتر لە ملیۆنێک زیارەتکار بۆ بەشداریکردن لە ڕێوڕەسمی چلەی ماتەمینیی ئیمام حوسێن سەردانی عێراقیان کردووە.

وێنە گەورەکە:  ساڵانە ملیۆنان زیارەتکار لە ناوخۆی عێراق و وڵاتانی جیهانەوە بەرەو شاری کەربەلا بەڕێدەکەون بۆ بەشداریکردن لە ڕێوڕەسمی چلەی ماتەمینی ئیمام حوسێن. 

لێدوانی فەرمی: عەلی ئەکبەر پوور جەمشیدیان، جێگری وەزیری ناوخۆی ئێران بۆ کاروباری ئەمنی و سەرۆکی لیژنەی ناوەندیی چلە، ڕایگەیاند: لە سەرەتای مانگی سەفەری 1446ـی کۆچییەوە، ژمارەی ئەو زیارەتکارانەی ڕوویان لە عێراق کردووە، ملیۆنێک کەسی تێپەڕاندووە، هاوکات نزیکەی 250 هەزار زیارەتکاریش دوای بەجێهێنانی زیارەتەکە گەڕاونەتەوە ئێران.

پوور جەمشیدیان ئاماژەی بەوەکر، بۆ ئاسانکاری لە هاتووچۆی زیارەتکاراندا، هەماهەنگی لەگەڵ لایەنی عێراقی لە بەرزترین ئاستدا بەردەوامە.

ئەوەی پێویستە بیزانیت: یادی چلەی ماتەمینی (ئەربەعین) یەکێکە لە گەورەترین بۆنە ئایینییەکانی موسڵمانانی شیعە لە جیهاندا کە 40 ڕۆژ دوای عاشورا بەڕێوەدەچێت.