مانگی 11 تەواوی هەولێر و ئیدارەی سۆران دەبنە خاوەنی کارەبای 24 کاتژمێری

ئاڤا نیوز

 

بەگوێرەی زانیارییەکانی ئاڤا تاوەکوو مانگی 11ـی ئەمساڵ، تەواوی پارێزگای هەولێر و ئیدارەی سەربەخۆی سۆران کارەبایان دەبێتە 24 کاتژمێری.

 

وێنە گەورەکە: پڕۆژەی ڕووناکی یەکێکە لە پڕۆژە ستراتیژییەکانی حکومەتی هەرێمی کوردستان، پرۆژەکە ڕۆژی 2024-07-25 دەستی پێ کرد، ڕۆژی 2024-10-17 سەرۆکوەزیران مەسرور بارزانی، لە گەڕەکی شادیی هەولێر پڕۆژەکەی ڕاگەیاند، ئێستا نزیکەی سێ ملیۆن کەس لە کوردستان بوونەتە خاوەنی کارەبای 24 کاتژمێری، ئامانجەکە ئەوەیە تا ساڵی 2026 کارەبای تەواوی کوردستان ببێتە 24 کاتژمێری.

 

چیرۆکی سەرەکی: پڕۆژەی ڕووناکی لە هەولێر چووەتە قۆناغێکی دیکەوە، کارەبای 24 کاتژمێری بەشێوەی ئەزموونی لە دەرەوەی شەقامی 150 مەتری دەستی پێ کردووە و ئێستا گەیشتووەتە هەزاران هاوبەشی کارەبا.

 

زانیاریی بەدەستهاتوو: بەپێی زانیارییەکانی ئاڤا، تاوەکوو 1-9-2025، قەزای خەبات، قوشتەپە، بەحرکە، کەسنەزان، پیرمام، بەڕانەتی و دەشتی هەولێر دەبنە خاوەنی کارەبای 24 کاتژمێری.

 

ئەوەی پێویستە بیزانیت: ئاڤا میدیا زانیویەتی، تاوەکو مانگی 11ـی ئەمساڵ، تەواوی پارێزگای هەولێر و ئیدارەی سەربەخۆی سۆران کارەبایان دەبێتە 24 کاتژمێری.

 

بۆچی گرنگە: بە جێبەجێکردنی کارەبای 24 کاتژمێری، هەزاران مۆلیدە لە گەڕەکەکان دەکوژێنرێنەوە، ئەمەش کاریگەریی ئەرێنی لەسەر ژینگەی سەرتاسەی کوردستان دروست دەکات، جگە لەمەش چیتر کێشەی کارەبا لە کوچە و کۆڵانەکانی کوردستاندا نامێنێت.