پارکێکی مۆدێرن لە هەولێر دروست دەکرێت

ئاڤا نیوز

وەزارەتی شارەوانی و گەشتوگوزار ئاگاداری هه‌موو ئه‌و نووسینگه‌ ئه‌ندازیارییه‌ ڕاوێژكارییانه‌ ده‌كاتەوە، تاوەکو له‌ پێشبڕكێی دیزاینكردنی پرۆپۆزه‌ڵی پاركی "گراند" به‌شدار بن.

ڕاگەیێنراوی فەرمی: وەزارەتی شارەوانی و گەشتوگوزاری حکومەتی هەرێمی کوردستان، ڕایگەیاندووە، گراند پاركێكی ئیكۆلۆژی و كولتووری له‌ شاری هه‌ولێر دروست ده‌كرێت كه‌ ڕه‌نگدانه‌وه‌ی ده‌وڵه‌مه‌ندیی سرووشت و كولتووری هه‌رێمی كوردستان ده‌بێت، بۆ ئه‌م مه‌به‌سته‌ش‌ پێشبڕكێی دیزاینكردنی پڕۆژه‌كه‌ به‌ڕێوه‌ده‌چێت و نووسینگه‌ ئه‌ندازیارییه‌ ناوخۆیی و نێوده‌وڵه‌تییه‌كان بانگهێشت ده‌كرێن تا 20ـی ئابی 2025 ده‌توانن سه‌ردانی به‌ڕێوه‌به‌رایه‌تیی گشتیی نه‌خشه‌دانانی ئاوه‌دانی بكه‌ن بۆ وه‌رگرتنی پرۆگرام و مه‌رجه‌كانی به‌شداربوون و خه‌ڵاتی داراییش ده‌به‌خشرێته سێ براوه‌ی هه‌ڵبژێردراوی یه‌كه‌م.

وه‌زاره‌تی شاره‌وانی و گه‌شتوگوزارلە ڕاگەیێنراوەکەیدا،  بانگهێشتی هه‌موو ئه‌و نووسینگه‌ ئه‌ندازیارییه‌ ڕاوێژكارییانه‌ ده‌كات كه‌ ئاره‌زوومه‌ندن له‌ پێشبڕكێی دیزاینكردنی پرۆپۆزه‌ڵی پاركێكی نوێ له‌ شاری هه‌ولێر.

زانیاریی زیاتر: ئامانجی ئه‌م ده‌ستپێشخه‌رییه‌ ستراتیژییه‌، دروستكردنی پاركێكی ئیكۆلۆژی و به‌رچاوه‌ كه‌‌ وه‌ك شوێنێكی به‌رده‌وام و كولتووری و ئیكۆلۆژی خزمه‌ت ده‌كات، دیدگای ئه‌م پڕۆژه‌یه‌ش ڕه‌نگدانه‌وه‌ی ده‌وڵه‌مه‌ندی سرووشت و كولتووری هه‌رێمی كوردستان ده‌بێت.

ئەوەی پێویستە بیزانیت: ئه‌و نووسینگه‌ ئه‌ندازیارییه‌ ڕاوێژكارییه‌ی ئاره‌زوومه‌نده‌ له‌م پێشبڕكێیه‌دا به‌شداری بكات، پێویسته‌ پێش ڕێکكه‌وتی 20-8-2025 سه‌ردانی به‌ڕێوه‌به‌رایه‌تیی گشتیی نه‌خشه‌دانانی ئاوه‌دانی له‌ كاتی ده‌وامی فه‌رمیدا بكات، له‌نێوان كاتژمێر (8:30ی به‌یانی تاكو 2:00ی دوای نیوه‌ڕۆ)، به‌مه‌به‌ستی وه‌رگرتنی پرۆگرام و ڕێنماییه‌كانی به‌شداربوون.