تیمی هەژمار من هۆشداری بە خانەنشینان دەدات

ئاڤا نیوز

تیمی هەژماری من هۆشداری بە خانەنشینان دەدات و داوایان لێدەکات فۆرمی هەژماری من پڕبکەنەوە و بیگەڕێننەوە.

وێنە گەورەکە: هەژماری من، پڕۆژەیەکی ستراتیژی کابینەی نۆیەمی حکومەتی هەرێمی کوردستانە، بەئامانجی بە دیجیتاڵکردنی مووچەی مووچەخۆرانی هەرێمی کوردستان، لەڕێگەی ئەم پرۆژەیە سەرجەم مووچەخۆرانی هەرێمی کوردستان دەستییان بە خزمەتگوزارییە سەردەمییەکانی بانکی دەگات.

لێدوانی فەرمی: سەرچاوەیەک لە تیمی هەژماری من بە ئاڤای گوت، بۆ تۆمار کردنی خانەنشینان لە هەژماری من پێویستە فۆرمی تایبەت پڕبکەنەوە و تۆمار بکرێن، بەڵام لەکۆی 20 هەزار فۆرم کە بە خانەنشینان دراوە، تەنیا هەشت هەزاری گەڕێنراونەتەوە.

زانیاری زیاتر: مەرج نیە خانەنشینان تەنیا لە کاتی دابەشکردنی مووچە فۆرمەکان بگەڕێننەوە، بەڵکو دەتوانن فۆرمەکە پڕبکەنەوە و هەر ڕۆژێکی دیکە لەکاتی دەوامی ئاسایی بیگەڕێننەوە.

ئەوەی پێویستە بیزانیت: تا ئێستا هەشت هەزار و 100 خانەنشین لە هەژماری من تۆمار کراون و دەتوانن لەو ڕێگەیەوە مووچەی خانەنشینییان وەربگرن.