لە سێ مانگی داهاتوودا دووسایدی گۆمەسپان - سماقووڵی تەواو دەبێت

ئاڤا نیوز

 

لە مانگی 11ـی ئەمساڵ پرۆژەی دووسایدی گۆمەسپان - سماقووڵی تەواو دەبێت کە مەوداکەی 22 کیلۆمەترە، پرۆژەکە هەولێر و سلێمانی بەیەکەوە دەبەستێتەوە.

 

ڕاگەیێنراوی فەرمی: پارێزگای هەولێر لە ڕاگەیێنراوێکدا ڕایگەیاند، كاركردن لە پڕۆژەی دووسایدی گۆمەسپان - سماقووڵی، بە باشترین شێوە و كوالێتیی بەرزی شەقام بە چڕی بەردەوامە، وا چاوەڕوان دەکرێت لە كۆتایی مانگی 11ـی ئەمساڵ پرۆژەکە تەواو بکرێت.

 

زانیاریی زیاتر: پڕۆژەی دووسایدی گۆمەسپان – سماقووڵی لە چوارچێوەی گەشەپێدانی بەنداوی گۆمەسپان وەك پڕۆژەیەكی ستراتیژیی گەشتیاری و پەرەپێدانی ئابووری بە گوژمەی 210 ملیار دینار لەلایەن کۆمپانیای "هێمن گرووپ" دەست بەجێبەجێکردنی کراوە.

 

لەلایەکی دیکەوە: دووسایدەکە هەردوو پارێزگای هەولێر و سلێمانی بەیەكەوە دەبەستێتەوە و شەقامی دەوروبەری بەنداوەكەش دەگرێتەوە، مەوداكەی 22 كیلۆمەترە، 6 ژێرپرد و 3 بەرزەپرد لەخۆدەگرێت.