کۆمیسیۆن پەسەندکردنی "هاوپەیمانیی ئیستیحقاقی دیالە" هەڵدەوەشێنێتەوە

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق، پەسەندکردنی "هاوپەیمانیی ئیستیحقاقی دیالە"ی هەڵوەشاندەوە، هۆکاری بڕیارەکەش بۆ کشانەوەی ڕەوتی حیکمە لە هاوپەیمانییەکە دەگەڕێتەوە.

وێنە گەورەکە: بڕیارە 11ی تشرینی دووەمی ئەمساڵ هەڵبژاردنی پەرلەمانی عێراق بکرێت، بۆ ئەم مەبەستە کۆمسیۆن بەپێی خشتەی ئامادەکارییەکانی هەڵبژاردن، دەستی بە جێبەجێکردنی ڕێکار و ئامادەکارییەکان کردووە.

ڕاگەیێنراوی فەرمی: بەپێی نووسراوێکی ئەنجوومەنی کۆمیسیاران، کۆمسیۆن پەسەندکردنی "هاوپەیمانیی ئیستیحقاقی دیالە"ـی هەڵوەشاندەوە کە لە (عەسائیب ئەهلی حەق، سادیقوون و ڕەوتی حیکمەی نیشتمانی) پێک هاتبوون.

هۆکارە زانراوەکان: بەپێی نووسراوەکە، ئاماژە بەوە کراوە کە ئەم بڕیارە پاڵپشتە بە ڕێنماییەکانی هاوپەیمانێتی و یەکگرتنی پارتە سیاسییەکان ژمارە چواری ساڵی 2023، بەهۆی کشانەوەی ڕەوتی حیکمەی نیشتمانی لە هاوپەیمانییەکە، کۆمسیۆن بڕیاری هەڵوەشاندنەوەی "هاوپەیمانیی ئیستیحقاقی دیالە"ی دا.

باکگراوند: پێشتر کۆمسیۆنی باڵای سەربەخۆی هەڵبژاردنەکانی عێراق ڕایگەیاندبوو، ئەو حیزب، هاوپەیمانێتی و لیستی کاندیدە تاکە کەسییەکان کە خواستی بەشداریکردنیان لە هەڵبژاردنی پەرلەمانی عێراق لە 11ی 11دا هەیە، دەتوانن تا کۆتایی دەوامی ڕۆژی 20-5-2025 سەردانیان بکەن و خۆیان تۆماربکەن.