عێراق میوانداری کۆنفڕانسی ژینگەی ناوچەکە دەکات

ئاڤا نیوز

وەزیری ژینگەی عێراق ئاشكرایكرد ، مانگی ئایار یەکەم کۆبوونەوەی وەزارەتەکانی ژینگەی وڵاتانی ناوچەکە دەکرێت.

وێنە گەورەکە: کۆنفڕانسی وەزیرانی وڵاتانی ناوچەکە لە بەغدای پایتەختی عێراق دەبێت، پێش بەڕێوەچوونی COP29 کە بڕیارە مانگی 11 لە وڵاتی ئازەبایجان بکرێت.

بۆچی گرنگە: عێراق لەسەر ئاستی وڵاتانی عەرەبی لە پلەی پێنجەمی ئەو وڵاتانە دێت کە زۆرترین کاریگەری نەرێنی گۆڕانکاری کەش و هەوای لەسەرە.

لێدوانی فەرمی:  لە مانگی ئایاری داهاتوودا بەغدا میوانداری کۆنفرانسی وەزیرانی ژینگەی وڵاتانی ناوچەکە دەکات بۆ چارەسەرکردنی ئاستەنگەکانی کەشوهەوا، جگە لە وڵاتانی دراوسێ چەند وڵاتیکی دیکەی ئاسیا لەو کۆنفڕاسە بەشدار دەبن. نزار ئامێدی، وەزیری ژینگەی عێراق لە چاوپێکەوتنێکی تەلەڤزیۆنیدا ئەوەی گوت.

ئەمەش بزانە: ئەو وڵاتانەی تا ئێستا یەکلایی بوونەتەوە کە لەو کۆنفڕانسە بەشدار دەبن پێکهاتوون لە ( ئێران، تورکیا، میسڕ، ئیماڕات و ئازەربایجان).