زیاتر لە 170 تۆن گۆشتی خراپبوو دەستی بەسەردا دەگیرێت

ئاڤا نیوز

لە هەڵمەتێکی فراوانی ئاسایشی نیشتیمانیی عێراق لە چوار پارێزگا دەستبەسەر چەندین تۆن گۆشتی خراپبوودا گیراوە، ژمارەیەک دوکانی گۆشتفرۆشیش داخراون.

ڕاگەیێنراوی فەرمی: ئاسایشی نیشتیمانی عێراق ڕایگەیاندووە، لیژنە ئابوورییەکانی دەزگای ئاسایشی نیشتمانی هەڵمەتێکیان بۆ داخستن و دەستبەسەرداگرتنی کۆگاکانی هەڵگرتن و دابەشکردنی گۆشتی خراپبوویان لە چوار پارێزگای عێراق ئەنجام دا، لە هەڵمەتەکەدا دەستیان بەسەر زیاتر لە 170 تۆن گۆشت گرت کە بۆ خواردن نەشیاو بوون. هاوکات لە هەڵمەتەکەدا بەهۆی پابەند نەبوون بە مەرجە تەندروستییەکان  32 گۆشتفرۆشیان داخست.

ئەوەی پێویستە بیزانیت: هەڵمەتەکە لە چوار پارێزگا ئەنجامدران، بەم شێوەیە بوو:

پارێزگای بەغدا: دەستبەسەرداگرتنی زیاتر لە 130 تۆن گۆشت.

پارێزگای میسان: دەستبەسەرداگرتنی نزیکەی 14 تۆن گۆشتی هاوردەکراوی تێکچوو.

پارێزگاى كه‌ركووك: 37 هه‌زار و 340 لیتر خۆراكى شل و 57 هه‌زار و 640 كیلۆگرام مادده‌ى خۆراكى ڕه‌ق ده‌ستیان به‌سه‌ردا گیراوه‌.

پارێزگای نەجەف: چێشتخانەیەکی نهێنی بێ مۆڵەت داخرا کە خواردنی پیسی بۆ چێشتخانەیەکی شاورمە ئامادە دەکرد، لەو چێشخانەیە 250 کیلۆ گۆشتی خراپ بوو دەستی بەسەرداگیرا و لەناوبران.

ئەمەش بزانە: خۆراک و ماددە بەسەرچووەکان بەپێی ڕێکارە یاساییەکان لەناو بران، ڕێکاری یاسایی بەرامبەر هەموو ئەو کەسانە گیرا کە دەستیان لەم پێشێلکارییانەدا هەبووە.