كەشناسی: سبەی پلەكانی گەرما دوو پلە بەرز دەبنەوە

ئاڤا نیوز

 

بەڕێوەبەرایەتیی كەشناسیی هەرێمی كوردستان ئاشكرای دەكات سبەی پلەكانی گەرما دوو پلە بەرز دەبنەوە.

ڕاگەیێنراوی فەرمی: كەشناسیی هەرێمی كوردستان بڵاوی كردەوە: ئەمڕۆ لە هەرێمی كوردستان ئاسمان ساماڵ دەبێت و پلەكانی گەرماش هاوشێوەی دوێنی دەبن، بەڵام سبەی پلەكانی گەرما دوو پلە بەرز دەبنەوە.

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: تاوەكوو ناوەڕاستی ئەم مانگە پلەكانی گەرما ڕوو لە بەرزبوونەوە دەبن و دوای ئەوە وردە وردە نزم دەبنەوە، بەڵام بەهۆی كاریگەریی شەپۆلێكی كەشوهەوای دەریای ناوەڕاستەوە، ئەگەر بارانبارین لە ڕۆژئاوای هەرێمی كوردستان هەیە تاوەكوو ناوەڕاستی مانگ.

زانیاریی زیاتر: پێشبینی دەكرێت ئەمڕۆ بەرزترین پلەی گەرما لەسەر ئاستی هەرێمی كوردستان لە كەركووك تۆمار بكرێت كە 46 پلەی سیلیزی دەبێت و نزمترینیش لە حاجی ئۆمەران دەبێت كە 37 پلەی سیلیزی دەبێت.